O Estarivel nº 15 - "La niña bonita"

O Estarivel nº 15 xa saíu á rúa.

.

Non foi sen tempo debido aos problemas de maquetación que tivemos. Sae có subtítulo de "A nena bonita" xa que, como todos os adictos ao bingo sabemos, ese número cántase moi ben, pero esta vez deunos tanta mala sorte como cando saíu o 13 ("mal número se non crece", que dicimos os bingueiros) e non é por superstición...

.

Gracias á labor de Alberto, ao final solventouse este problema de maquetación, xa que nos adecuou o arquivo para que os da imprenta puidesen melloralo e imprimilo. De novo, gracias. Isto demostra a eficacia do traballo en equipo e das colaboracións espontáneas e solidarias.

.

Agora só queda esperar á Xuntanza desta fin de semana para saber se O Estarivel segue ou se lle poñemos punto e final á versión 2.0. En poucos días saberémolo! Admítense apostas.
.

Un saúdo,

Necesítase xente para "O Estarivel"

"O Estarivel" non é descoñecido para case ningún de nós e tampouco é descoñecida a problemática que leva arrastrando desde que se retomou esta segunda etapa: a escasez de xente. Aquí vai unha breve descrición sobre o tema. Animádevos a participar!!

O boletín "O Estarivel" consta de artigos e reportaxes sobre a realidade doutras sociedades, os proxectos de ESF no Sur, datos informativos e comparativos para poder avaliar a xustiza ou inxustiza de certas situacións, etc. Tamén avoga pola formación e a información dos lectores, animándoos á participación en actividades de carácter instrutivo ou simplemente ilustrativo sobre temas de proxectos, tecnoloxía, cooperación, comunicación, etc.

Actualmente o Estarivel apenas conta con xente para sacalo adiante. Fan falla voluntarios tanto para o Consello Editorial como para colaborar en redacción, maquetación,…

De seguido adxúntase un resumo destas tarefas a desenvolver:

· Recompilación da información necesaria, redacción de cadanseus artigos e seccións,… é dicir, elaborar desde a calidade as diferentes seccións do boletín.

· Tradución: os artigos deben ser escritos en galego así que esta labor consiste máis ben en releer os textos e corrixir os posibles erros.


· Maquetación e deseño con Corel ou Photoshop: debido a experiencias anteriores escóllense estes programas por seren os maiormente aceptados nas imprentas e por dar unha calidade axeitada.

· Tramitar subvencións: estar pendente das convocatorias e solicitalas. No caso de ser concedidas tamén se encargará de confirmar a aceptación.

Felicidades Estarivel!

Por estas datas cúmprense tres anos da reedición do Estarivel.

Primeiro comezou como unha idea abstracta na sede de Compos, pero gracias a un entusiasta grupo, encabezado daquelas por Berto, comezouse a convertir a idea en realidade e saíu o nº 12 á rúa (realmente nº 1 da segunda era!!) apoiado case íntegramente pola xente de Compos.

A finais dese mesmo ano 2006, Patri recollía o testigo e encargábase de sacar á rúa o nº 13, esta vez cun grande reto por afrontar: O Estarivel xa non sería unha actividade de Compos, senón de todo ESF Galicia e o Consello Editorial debería estar formado por un representante de cada sede.

Un ano despois, había novo cambio na coordinación e chegou Tania. O reto desta nova etapa estaba en constituir un novo Consello Editorial (debido á disolución do anterior por motivos disfuncionais) e estabilizar o método de traballo no Estarivel.

Actualmente o grupo Estarivel está constituído por tres persoas: Tania, Lalo e Puga. A tríada leva funcionando desde hai ano e medio, e ademáis tamén contou coa inestimable colaboración de Lara durante todo un ano.

Desde aquí felicitar ao boletín Estarivel e que oxalá lle queden moitos anos máis! Aproveito este espacio para animarvos a escribires e a participar para poder seguir cumprindo anos e para que esta ferramenta única e especial siga axudando a crear conciencias críticas e sexa espacio de difusión das actividades nas que traballamos arreo todo o ano.

Un saúdo e feliz 3º aniversario da nova era!