Que nos interesa en twitter?

Trátase dunha das redes sociais máis coñecidas. Moita xente a considera unha rede revolucionaria, xermen de movementos como a Primaveira Árabe. Outra xente, a considera unha simple prolongación da realidade (co sesgo da fenda dixital, moi presente todavía no mundo), e en absoluto unha tecnoloxía transformadora per se (ou sexa, pódese usar igual de fácilmente para a emancipación e o benestar, que para o control e a opresión). Ao ser unha rede centralizada (os twits quedan gardados nos servidores da empresa) e ademais privativa (non baseada en software libre), pode ter máis puntos mesmo para ser o segundo que o primeiro...

Pero neste caso simplemente quixemos facer unha pequena investigación,  vendo cantxs seguidorxs tiña a 7 de setembro de 2017 unha serie de entidades de ámbito galego, co criterio de que tiveran actividade nos últimos 3 meses. De aí quizais podamos intuir por onde se moven os intereses da xente cando usa twitter.

QUE OPINAS TÍ??

CLUBES DE FÚTBOL

• Celta 351329
• Depor 299496
• Lugo 76932 
• Compostela 10647
• Racing de Ferrol 9758
• Pontevedra 8235
• Ourense 3942

ONG DE DESENVOLVEMENTO

• CGONGD 2394
• ESF Galicia 1609
• ACPP Galicia 468
• Intermon Vigo 236
• Mans Unidas Santiago 221
• Fundación Fabre 177
• ASF Galicia 116
• Solidariedade Internacional Galicia 51

ONG AMBIENTAIS

• ADEGA 4121
• Amigos da Terra 2240
• Greenpeace Galicia 2164
• Verdegaia 432
• Petón do Lobo 197

ONG SOCIAIS

• Cruz Vermella en Galicia 3893
• Asociación ASPADEX 2671
• FEAFES Galicia 1969
• EAPN Galicia 1924
• Down Galicia 1637
• ONG Mestura 230
• Asociación ASPAS 110

ORGANIZACIÓNS FEMINISTAS

• Marcha Mundial das Mulleres Galicia 1531
• Plataforma Feminista Galega 1091

SINDICATOS AGRARIOS

• Sindicato Labrego Galego 629
• Unións Agrarias 770

SINDICATOS XENERALISTAS

• CIG 6025
• CCOO-Galicia 2076
• UGT-Galicia 1299

PARTIDOS POLÍTICOS

• BNG 28041
• En Marea 19878
• Marea Atlántica 13016
• Anova 10558
• PPdG 10446
• Esquerda Unida 8490
• PSdG 7669
• Podemos Galicia 7583
• Cidadáns Galicia 4736
• Ourense en Común 4149
• Equo Galicia 2126
• UpyD Galicia 1961
• Democracia Ourensana 1857

BIBLIOTECAS

• Biblioteca USC 2170
• Biblioteca Angel Casal 1998

Índice Mundial de Tecnoloxía para o Desenvolvemento Humano, versión 2.0

Ano e medio despois de facer a primeira proba de elaboración dun Índice Mundial de Tecnoloxía para o Desenvolvemento Humano (TpDH), xa temos a segunda versión, grazas tamén ao apoio financeiro de Cooperación Galega da Xunta de Galicia e ao traballo de ESF Galicia co Laboratorio de Enxeñería Cartográfica da UDC.

ENLACE: http://cartolab.udc.es/indicetpdh/

Os datos base non cambian (pódese descargar a folla de cálculo cos datos e tamén a metodoloxía de elaboración do índice), pero nesta versión 2.0 empregouse unha interface gráfica específica para o índice, onde se pode aplicar un coeficiente de ponderación a cada unha das compoñentes (ou indicadors) do índice.


O visor de indicadores realizado trátase, pois, dun mapa interactivo que representa o índice agregado de TpDH. O índice agregado é un valor cun rango de 0 a 5 que é representado para cada país cunha gradación de cor de vermello a verde.

O valor deste índice nesta versión 2.0 é, polo tanto, dinámico, variando en tempo real segundo o peso asignado pola persoa usuaria da interface cartográfica aos diferentes indicadores propostos que conforman o índice, mediante os controis deslizantes (gradados de 0 a 10) da parte dereita do visor. O índice agregado é obtido mediante unha operación de ponderación deses indicadores propostos:




A realización deste visor polo tanto, engade aos mapas interactivos da fase previa a posibilidade de que as persoas poidan xerar o seu propio índice agregado, dando máis ou menos importancia aos indicadores dos que se obtén o seu valor, e poder visualizar de forma inmediata o seu resultado, que era unha das melloras propostas nas conclusións da fase previa.

Ademáis, o visor é a parte central e funcional dunha páxina web específica que servirá de aquí en diante para engadir contidos divulgativos do funcionamento e elaboración do índice, promovendoo e incentivando o seu debate e a participación na súa definición.

A nivel técnico, o visor é moi sinxelo, realizado coa axuda da librería javascript “kartograph.js” que fai uso de outra librería que permite traballar con gráficos vectoriais, “raphael.js”.

Como aspectos a seguir mellorando deste visor, plantexase unha maior interactividade e detalle, mostrando resultados por continentes ou rexións e unha opción para poder compartir a través das redes sociais o índice personalizado xerado.

En canto a páxina web en xeral, iremos introducindo un maior contido explicativo do significado e funcionamento do índice e dos diferentes indicadores que o compoñen, así como o acceso as fontes de datos consideradas.