ESF Galicia: actividades ESF

Mostrando entradas con la etiqueta actividades ESF. Mostrar todas las entradas

20 mar 2018

Formación sobre voluntariado en ESF

14 feb 2018

Formación | ESF como comunidade de aprendizaxe colectiva

18 nov 2017

Entrevista a Sergio Fernández Alonso - Radio Galega

Aquí podedes escoitar o audio da entrevista realizada a Sergio Fernández Alonso, Técnico de Proxectos da ONGD Enxeñería Sen Fronteiras Galicia, emitida no programa "Lambóns Dixitais" da Radio Galega o 18 de novembro de 2017.

Durante a conversa, Sergio fala sobre o obradoiro de mantemento de ordenadores portátiles e os obradoiros de bioconstrucción organizados por ESF Galicia, asemade, aproveita para presentar as distintas actividades nas que está a traballar a asociación.
ame>

2 jun 2017

Boletín Oficial ESFeiro: BOE xuño 2017

Este mes, dende o grupo de enerxía de ESF Galicia chámannos a apoiar á campaña "Un millón sáese" da Plataforma por un Novo Modelo Enerxético, da cal formamos parte, que convida á cidadanía para contratar electricidade de orixe 100% renovable con comercializadoras e cooperativas situadas a favor da transición enerxética. O obxectivo da campaña é lograr que polo menos un millón de usuarios abandonen o oligopolio eléctrico, contribuíndo a avanzar cara a un novo modelo enerxético sustentable, xusto e democrático.

CONTIDOS

Blogue de Vida Asociativa
Blogue Honduras
Enlaces de interese
Publicacións en físico
E no próximo mes ...
A ESFrase do mes

BLOGUE DE VIDA ASOCIATIVA

En maio difundimos no blogue a nova interface do Índice Mundial de Tecnoloxía para o Desenvolvemento Humano, versión 2.0, onde se pode modificar a ponderación dos distintos indicadores que forman o índice. Ademais, se poden ver as crónicas do que se falou nas xornadas Os retos da cooperación municipalista na consecución dos Obxectivos de Desenvolvemento Sustentable, e da visita da xente do noso grupo de Desenvolvemento Rural a Negueira de Muñiz, para coñecer exemplos de comunidades con alto grado de autoxestión.

BLOGUE HONDURAS

No blogue de Honduras non houbo actividade en maio, xa que todos os esforzos de ESF e as nosas organizacións socias hondureñas están centrados en preparar os dous novos proxectos para os que imos pedir subvención a Cooperación Galega da Xunta de Galicia. Un deles será para darlle continuidade ao programa de promoción do Dereito á Auga na Mancomunidade de NASMAR. Continuarase con experiencias e boas prácticas de bombeo con enerxía solar, contadores de auga, etc. fortalecendo a persoal técnico e ás xuntas de auga locais e, sobre todo, reforzando o concepto de xestión integral dos recursos hídricos integrando elementos de enfoque de vacía hidrográfica e hidroxeoloxía. O outro proxecto será con CODDEFFAGOLF, fortalecendo ás bases da organización no eido da pesca e agricultura artesanais con enfoque de soberanía alimentaria, integrando elementos de cartografía participativa para a denuncia ambiental.

ENLACES DE INTERESE

Auga

La mitad de los acuíferos de la Tierra se están agotando

Comunicación para o (como) desenvolvemento

Los nuevos relatos y la comunicación con aromas del pasado
Sumando esfuerzos. Programa de la radio pública, referencia en la información del trabajo que desarrollan las ONGs españolas en el exterior (o presidente da Federación ISF participa no programa do 24 de maio nun coloquio de "Enxeñería para o Desenvolvemento").
Observatorio de nuevos medios
Videos coas sesións do Curso Comunicambio 2017
Si las tolerantes no se callaran…

Consumo responsable

Cooperación e ONGD

Educación para o desenvolvemento

Dereito ao Hábitat. Unidades Didácticas. Arquitectura Sen Fronteiras.
¿Escuelas del siglo XIX contra desigualdades del siglo XXI?

Iniciativas

Campaña UnMillónSeSale. La Plataforma por un Nuevo Modelo Energético invita a la ciudadanía a abandonar el oligopolio eléctrico
The Human Library

Investigación para o desenvolvemento

La energía solar ya ha compensado su huella de carbono
Transferencia de resultados de la red de ensayos de maíz y girasol en Aragón (pódense coñecer datos de produción de variedades de millo transxénico e non transxénico baixo condicións homoxéneas).
Generating Community, Generating Justice? The production and circulation of value in community energy initiatives

Mundo

Políticas e modelos de desenvolvemento

Sensibilización

Soberanía alimentaria e desenvolvemento rural

Un puñado de gambas. La desaparición de aldeas, el aumento de la acuicultura y el futuro de los ecosistemas de manglares

Tecnoloxías da Información e Comunicacións (TIC)

Datos geográficos abiertos como herramienta para la superación de la pobreza extrema

Tecnoloxía para o desenvolvemento humano

Voluntariado e Persoas

PUBLICACIÓNS EN FÍSICO

(se che interesan, están no local de A Coruña ou fácilmente accesibles, e as persoas da base social de ESF poden solicitalas para préstamo).

Aquí podes ver moitas das publicacións que temos disponibles para préstamo á base social xa catalogadas e, se che interesan estes temas, tamén podes consultar o catálogo da biblioteca da Coordinadora Galega de ONGD, con moitos fondos que ceden para préstamo.

Este mes:

No Logo. El poder de las marcas. Naomi Klein.

E NO PRÓXIMO MES ...

5 de xuño: Día Mundial do Medio Ambiente
8 de xuño: Día Mundial dos Océanos
10 de xuño: remate do prazo para presentar traballos ao Premio Ingeniería Solidaria de Federación Española de Ingeniería Sin Fronteras.
12 de xuño: Día Mundial contra o Traballo Infantil
16 de xuño: Día do Científico Galego
16 de xuño: feira Compostela Máis Solidaria, onde teremos un postiño para amosar "cachivaches" na liña das tecnoloxías apropiadas como a bomba de mecate ou filtros de áridos. Será a partir das 11 na Praza Roxa en Santiago de Compostela. Os días anteriores haberá diversos eventos na cidade.
20 de xuño: Día Mundial dos Refuxiados

Para máis info sobre cursos e eventos en Galicia consulta a Axenda Solidaria e as formacións da Coordinadora Galega de ONGD, ou segue as nosas redes sociais Facebook e Twitter.

A ESF-RASE DO MES

“A guerra é unha masacre entre xentes que non se coñecen, para proveito de xentes que si se coñecen pero que non se masacran.”
― Paul Valéry

29 may 2017

Descubrindo Negueira de Muñiz

A case dúas horas de Lugo, dirección Asturias, pasando pola Fonsagrada atopamos o municipio de Negueira de Muñiz, un Concello de 215 habitantes. O mito dunha comuna hippie establecida alí nos anos 70 alimenta a curiosidade de cinco enxeñeiras e un politólogo que chegamos no serán dun venres á cidade romana, aproveitando as últimas horas na civilización posmoderna tomando unhas cañas e disfrutando das inesgotables tapas lucenses. Mentres, uns homes vestidos de romanos desfilan polas rúas para que a ninguén lle caiba dúbida de quen construíu a muralla.

Os voluntarios de ESF de camiño a Negueira de Muñiz.

Ben cediño, o sábado pola mañá os voluntarios de Enxeñaría Sen Fronteiras arrancamos cara Negueira, onde unha paisaxe de montañas que encerran un embalse nos daba a benvida. Por sorte, o camiño ateigado de curvas obrigounos a contemplar a estampa un rato longo. Finalmente, chegamos a Ernes, un dos pobos da “comuna”. Tranquila. Así estaba a aldea ás 9:30h. Tardaríamos uns cantos minutos en ver ao primeiro habitante. Un rapaz que nos avisa: “Luz sale ahora”. Pero os intrépidos de ESF entramos na escola para explorar o lugar que nos daría acubillo aquela noite. A antiga escola da aldea reconvertida en local social tiña dous andares e un soto: o primeiro era un espazo aberto cunha cheminea, o segundo albergaba a cociña, a biblioteca, o comedor e unha sala con ordenadores. O baño? Fóra. Os pisos estaban feitos de madeira, da orixinal, polo que descalzarse ao entrar era a primeira norma.

Librería da escola.

Cociña da escola de Ernes.

Collendo forzas para traballar con produtos caseiros.

Axiña apareceu Luz, unha belga que leva 25 anos vivindo en Negueira, de onde quixo marchar en tres ocasións pero nun puido. Non era capaz de abandonar a aldea polo moito apego que lle ten. Tróuxonos un almorzo completo: madalenas, pan, manteiga, marmelada de amorodos e todo feito por eles. Mentres engulimos os produtos desvélanos que “comuna hippie” xa non existe. Fora un intento nos anos 70 dun grupo de mozos que viñan de Lugo, pero o experimento durou dous anos, debido ás filosofías de vida diferentes das persoas que a formaban. O que agora existe é unha comunidade de veciños formada por xente procedente doutras partes de Galicia, de España e de Europa que se foron instalando nas aldeas de Ernes, Vilar, Foxo e Vilauxín. Algúns destes compraron casas vellas, outros okupáronas, e outros negociaron cos donos unha cesión da propiedade a cambio de coidala, mais todos comparten a finalidade de vivir nunha contorna natural e sustentable. Este modo de vida propicia a súa unión co gallo de realizar proxectos que beneficien á comunidade, como rehabilitar a escola ou montar cooperativas. Porén, Luz recoñece que ao vivir nun entorno tan pequeno intensifícanse as relacións e isto poida dar lugar a problemas en ocasións. Tamén nos conta que os veciños “autóctonos” non os teñen na mellor estima, xa que eles venos como simples nudistas. Un exemplo dese rexeitamento foi nas eleccións locais nas que Luz se presentaba á alcaldía para promover o desenvolvemento local, pero os veciños reaccionaron con insultos e votos para un Alcalde que vive en Lugo. Aí rematou a conversa, había que traballar.

"Por onde comezamos?"

Para algúns, isto era unha carroza.

A tarefa do día era cortar leña para quentar a escola durante o inverno. Luz presentounos a Xoán e Xaquín, outros dous habitantes de Ernes que se sumarían a nós. Ao comezo estabamos algo desorientados. “Por onde comezamos? Que facemos? Como se fai?”. Pero deseguido nos puxemos as luvas e nos organizamos. Uns cortan coa hacha, outros coa motoserra, outros transportan a leña e outros estíbana no remolque dun tractor de segunda man que foi mercado entre os veciños de Ernes. Pouco despois de coller o ritmo de traballo, uniuse a nós a rapazada da aldea. Seis nenos e nenas de entre 6 a 17 anos, todo un desafío á pendente negativa da demografía local, uníronse a nós para botar unha man. Así, eles convertéronse en mestres e nós en aprendices, abraiados pola súa habilidade coas hacha. Parecía que colaborar no traballo do campo non lles era alleo.

Os máis pequenos tamén colaboran.

Luz non deixou que pasáramos fame... nin sede.

Luz recibe unha chamada de Salvador, veciño de Vilar, que lle pide axuda para picar as paredes da escola que están rehabilitando. Marcos, Cris e Elena ofrécense voluntarios para ir, continuando Isa, Alumdena e Daniel coa leña. Convídannos a un aperitivo con queixo de Arzúa, chourizo, pan da casa e sidra, un anticipo da gran enchenta que estaba por vir: callos con verduras, chourizo, morcilla, ensalada e amorodos con nata. Case todo eran produtos cultivados por eles mesmos. Após do xantar cos rapaces, con Luz e Xoán, os maiores ficamos sentados á mesa e aproveitamos a sobremesa para conversar e descansar. Xoán cóntanos que el veu para Ernes nos anos 90, pero logo mudouse a Compostela, onde traballo como carpinteiro durante 17 anos antes de volver hai tres. El, levaba tempo buscando unha casa nunha aldea tranquila e vivir en comunidade até que atopou Ernes. Porén, os veciños preferiron a unha familia con fillos no seu lugar, así que tivo que conformarse con Foxo, un pobo a unha hora de andaina, que non ten electricidade. De feito, só Ernes ten electricidade. Dous anos despois, puido mercar casa na “capital”, como denominan as outras aldeas da comunidade.

Picando paredes da escola en rehabilitación.

Salvador, de Vilar, explicando o proxecto da escola.

Eran as 8 da tarde e recordamos aínda quedaba leña por facer. Volvimos a onde estaban os troncos e seguimos cortando, transportando e estibando. Pouco a pouco o muro sito preto da escola vaise cubrindo de leña. “Dobramos a cantidade de leña do ano pasado” nos felicitan os locais, e nós fachendosos do noso traballo. Cando caeu a noite, Luz recompensounos cun arroz con espinacas e o cansazo púxonolo fácil para ficar durmidos naquel chan de madeira.

Veciños de Ernes colaborando.

Acabando de estibar a leña.

O muro xa rematado!

Ao día seguinte, tocaba facer unha rota circular de sendeirismo. Pola mañá fixemos o tramo de Foxo a Ernes. Pouco despois de chegarmos, dous buses descargaron 50 persoas de ADEGA Lugo, que viñan a coñecer a comunidade de Negueira e acompañarnos na rota. Antes de partir de Ernes cara Vilar, apareceu a señora Concha, que viña da horta. Esta muller, que vive nos meses fríos na Terra Chá, adoita pasar o resto de meses en Ernes, onde disfruta da vida no campo. A súa simpatía e naturalidade conquístanos a todos. “Pasádeo ben” se despedía Concha, mentres a tropa de xente subía pola montaña. Ía moita calor pero a impresionante beleza da paisaxe permitiunos desfrutar das horas de andaina, subindo e baixando montañas. Chegamos a Vilar. Alí, noutro núcleo de casiñas vellas, atopamos a escola na que estiveran traballando o día anterior os nosos compañeiros. Salvador infórmanos que están levando a cabo un proxecto para crear unha escola para os nenos do pobo, que teñen que desprazarse cada día até A Fonsagrada, nun camiño que leva 45 minutos, para poder ir ao colexio. Conseguiron máis de 20.000€ a través de crownfunding para o seu proxecto, pero o obstáculo agora é conseguir a avaliación da Xunta. A dificultade está na súa proposta de que sexa unha persoa de aldea quen acompañe aos cativos na súa educación, interferindo nela o mínimo posible.

Continuamos o noso camiño, a seguinte parada era Foxo, sita a rentes do embalse. O ceo íase nubrando e a nosa fame destapándose. Finalmente conseguimos concluír a rota circular de 4 horas. Na meta esperaban outros veciños da comunidade, que compartían un xantar na praia fluvial da aldea. Cando xa non había tempo para seguir gozando da tranquilidade, beleza e naturalidade daquel remoto pobo, decatámonos de que é certo: custa marchar daquel paraíso habitado por uns veciños que se organizan para mellorar a súa contorna e intentar vivir de forma austosustentable.

Un lugar de beleza espectacular e xente singular.

2 may 2017

Boletín Oficial Esfeiro: maio 2017

CONTIDOS

Blogue de Vida Asociativa
Blogue Honduras
Enlaces de interese
Publicacións en físico
E no próximo mes ...
A ESFrase do mes

BLOGUE DE VIDA ASOCIATIVA

Comezamos abril cunha entrevista radiofónica onde comentamos o estudo feito sobre valores éticos en empresas tecnolóxicas. Lembramos a lexislación que regula o uso de estándares abertos nos formularios e aplicacións das administracións públicas (estes días tivemos bastantes pelexas con plataformas dixitais "pouco amigables" co sistema GNU-Linux tanto da Xunta de Galicia como da Deputación da Coruña, que se solventaron finalmente). Neste mes celebramos ademais a Xuntanza de Primaveira da base social de ESF Galicia, con este programa (podedes ver algunha fotiño aquí). Polo Día da Terra fixemos unha pequena reflexión en redes sociais, e tamén reflexionamos, desta volta presencialmente, sobre a realidade de Honduras na formación das persoas que participarán este ano no Programa de Coñecemento da Realidade. Por último, colgamos por fin un interesante recurso didáctico para aprender xogando sobre a cooperación e as ONGD, o xogo de cartas colaborativo "Co-operando".

BLOGUE HONDURAS

En Honduras continúa o traballo nos dous programas. No de promoción do Dereito Humano á Auga, estamos coa Fase III, que se prolongará este ano, e onde se inclúen proxectos piloto de bombeo de auga con enerxía solar. Vimos de solicitar unha subvención da Deputación da Coruña para apoiar un deles, e mentres noutro que está arrincando xa na aldea de Varsovia atopámonos cunha curiosa ánecdota: de mangos, pedras e panéis solares... Ademais, xa está en marcha a preparación dunha nova fase do programa, que esperamos solicitar nas próximas semanas nunha subvención de Cooperación Galega da Xunta de Galicia. No de Soberanía Alimentaria, continúa o traballo con CODDEFFAGOLF dentro do consorcio financiado por AECID, e estase tamén a elaborar unha proposta para presentar a Cooperación Galega da Xunta de Galicia.

ENLACES DE INTERESE

Auga

Estudo de sistemas de saneamento básico para escolas rurais na costa sur de Guatemala