Entrevista a Sergio Fernández Alonso - Radio Galega

Aquí podedes escoitar o audio da entrevista realizada a Sergio Fernández Alonso, Técnico de Proxectos da ONGD Enxeñería Sen Fronteiras Galicia, emitida no programa "Lambóns Dixitais" da Radio Galega o 18 de novembro de 2017.

Durante a conversa, Sergio fala sobre o obradoiro de mantemento de ordenadores portátiles e os obradoiros de bioconstrucción organizados por ESF Galicia, asemade, aproveita para presentar as distintas actividades nas que está a traballar a asociación.
ame>

Entrevista a Patricia Iglesias Fernández - Radio Voz

Aquí podedes escoitar o audio da entrevista realizada a Patricia Iglesias Fernández, voluntaria da ONGD Enxeñería Sen Fronteiras Galicia, emitida no programa "Con Voz de Sábado" de Radio Voz o 1 de abril de 2017.

Durante a conversa, Patricia fala sobre o "Estudo sobre a incorporación de valores éticos no ámbito empresarial tecnolóxico" elaborado por ESF Galicia co financiamento de Cooperación Galega da Xunta de Galicia.

Entrevista a Saúl Rilo Álvarez - Radio Galega

Aquí podedes escoitar o audio da entrevista realizada a Saúl Rilo Álvarez, voluntario da ONGD Enxeñería Sen Fronteiras Galicia, emitida no programa "Galicia por Diante" da Radio Galega o 18 de novembro de 2016.

Durante a conversa, Saúl fala sobre Consumo Responsable e aproveita ademáis para presentar as distintas actividades nas que está a traballar a asociación.

Entrevista a Sergio Fernández Alonso - Radio Galega

Aquí podedes escoitar o audio da entrevista realizada a Sergio Fernández Alonso, Técnico de Proxectos da ONGD Enxeñería Sen Fronteiras Galicia, emitida no programa "Convivir en Igualdade" da Radio Galega o 23 de xullo de 2015.

Durante a conversa, Sergio fala sobre os "Cursos Online de Enxeñería Sen Fronteiras" organizados por ESF Galicia e aproveita ademáis para presentar as distintas actividades nas que está a traballar a asociación.

Tertulia con José María Vara Rodríguez - CUAC FM

Aquí podedes escoitar o audio da tertulia na que participou José María Vara Rodríguez, voluntario da ONGD Enxeñería Sen Fronteiras Galicia na Coruña, emitida no programa "Ar de Coruña" de CUAC FM (Emisora Comunitaria da Coruña) o 25 de abril de 2015.

Durante a tertulia, con representantes doutras organizacións fálase das ONGD e da cooperación en xeral e Pepe presenta en particular a asociación facendo un repaso dos Proxectos de Cooperación que ESF Galicia está a desenvolver na actualidade e das actividades de sensibilización que se están a realizar.

Entrevista a Antía Yáñez Rodríguez - Onda Cero Radio

Aquí podedes escoitar o audio da entrevista realizada a Antía Yáñez Rodríguez, voluntaria da ONGD Enxeñería Sen Fronteiras Galicia na Coruña, emitida no programa "Pontevedra na Onda" de Onda Cero Pontevedra o 25 de marzo de 2015.

Durante a conversa, Antía fala sobre o Dereito Humano de acceso á Auga, ademáis de presentar as distintas actividades nas que está a traballar a asociación neste eido, como o programa en Honduras co Fondo Galego de Cooperación, ou as actividades da Semana da Auga.

Entrevista a Antía Yáñez e Miño Guerreiro - Radio Fusión

Aquí podedes escoitar o audio da entrevista realizada a Antía Yáñez e Miño Guerreiro, voluntarios da ONGD Enxeñería Sen Fronteiras Galicia na Coruña, emitida no programa "Arredor de Nós" de Radio Fusión o 23 de marzo de 2015.

Durante a conversa, Antía e Miño falan sobre o Dereito Humano de acceso á Auga, ademáis de presentar as distintas actividades nas que está a traballar a asociación neste eido, como o programa en Honduras co Fondo Galego de Cooperación, ou as actividades da Semana da Auga.

Entrevista a Sergio Fernández Alonso - Radio Galega

Aquí podedes escoitar o audio da entrevista realizada a Sergio Fernández Alonso, Técnico de Proxectos da ONGD Enxeñería Sen Fronteiras Galicia; emitida no programa "Convivir en Igualdade" da Radio Galega o 13 de novembro de 2014.

Durante a conversa, Sergio fala sobre o "I Certame de microrrelatos Tecnoloxía para o Desenvolvemento Humano" organizado por ESF Galicia e aproveita para matizar o concepto de Tecnoloxía aplicada para o Desenvolvemento, ademáis de presentar as distintas actividades nas que está a traballar a asociación.

Charla sobre Tecnoloxías Apropiadas no Porto

Roberto, Isa e Teresa

Máis internacionais que nunca. Roberto dixo non lembraba a última vez que fixo unha viaxe tan longa. E é que en ESF, algún xa temos a sorte de poder dicir que damos conferencias noutros países, ainda que esas conferencias duren 15 minutos (repartidos entre tres poñentes) e que ese outro país sexa Portugal, no cal moitos de nós (entre os que me inclúo) non teñen sensación ningunha de estar non estranxeiro. E mais cunha acollida tan calida como a que nos brindou a nosa colega de Porto, Teresa (a podedes ver na foto, a dereita). Sen dúbida, temos moito que agradecerlle pola súa amabilidade e hospitalidade.


Pero non vaiamos tan rápido. Comece-
mos as cousas polo principio. Este fin de semana, o sábado 18 de outubro, a ONG Engenharia para o Desenvolvimento e Assistência Humanitaria (EpDAH), os nosos colegas en Portugal, convidáronnos a compartir a nosa experiencia nun encontro acerca de coñecemento local e capacitación para o desenvolvemento (na foto, podedes ver o título en portugués) na Fundaçao Serralves, na cidade do Porto.

Fomos tres persoas: Roberto Roget (Santiago), Isabel Somoza e un servidor, Miguel Pino (os dous de Vigo). Alí tivemos a oportunidade de ver pequenas charlas sobre o Proxecto Ríos en Portugal (En Galicia existe un proxecto co mesmo nome, no que de feito participa ESF Galicia!), consistente en tratar de fomentar que a xente se reapropie e revalorice a paisaxe 'apadriñando' treitos de ríos, tratando de manter o seu estado natural ou recuperándoo. Outra charla trataba sobre a recuperación de bosques autóctonos no entorno do Porto, tamén tratando de involucrar activamente á cidadanía. En fin, temas interesantísimos. Entre os poñentes, atopábase o mesmo Padre António Fontes, pioneiro na investigación e difusión do coñecemento e cultura local.

Isa durante a súa intervención

O encontro tamén nos permitiu coñecer os proxectos que están a levar a cabo no núcleo de Porto (núcleo equivale alí as nosas sedes, os grupos de Coruña, Santiago... etc.), que son moi interesantes e moi diversos. Sen dúbida, temos boa relación e esperamos poder recibir unha boa comitiva deles na nosa próxima xuntanza (mensaxe subliminal).

A nosa charla saiu bastante ben, a pesar de que o día anterios parecíanos que se ía acabar o mundo. Nós decidimos falar sobre tecnoloxías apropiadas, que é do que máis sabíamos e así quedábamos ben. Como soamente íamos falar 15 minutos, ía parecer que éramos uns cracks. Ao final, coa xente que falou no encontro, debimos parecer calquer cousa menos uns cracks. Pero bueno, a xente aplaudiu, que é o importante. E Roberto parecía importante e todo, como se ve na foto.

Ao acabar, tivemos a oportunidade de facer unha pequena visita guiada polos xardíns da Fundaçao Serralves. Habendo aprendido moitas cousas, na compañía de xente tan amable como os nosos colegas do Porto, impregnados da maxia desa cidade, regresamos no comboio rumbo de Vigo moi cansos pero moi satisfeitos. Esta charla foi toda unha experiencia na que eu aprendín moito, e que espero que se poida repetir moito. Espero tamén que os nosos colegas portugueses, que tan ben nos trataron, lean este post, e não tenhan problemas en percever o galego, que é cuase igual á súa lingua portuguesa!

Tertulia con Sandra García García - CUAC FM

Aquí podedes escoitar o audio da tertulia na que participou Sandra García García, voluntaria da ONGD Enxeñería Sen Fronteiras Galicia na Sede da Coruña; emitida no programa "Sin Etiquetas" de Cuac Fm (Emisora Comunitaria da Coruña) o 2 de xuño de 2014.

Durante a tertulia, con representantes doutras organizacións fálase das ONGD en xeral e Sandra presenta en particular a asociación facendo un repaso dos Proxectos de Cooperación que ESF Galicia está a desenvolver na actualidade e das actividades de sensibilización que se están a realizar.

Crónica sobre I Xornadas sobre Voluntariado de Cooperación ao Desenvolvemento (I)

Enxeñería Sen Fronteiras Galicia co apoio da Coordinadora Galega de ONGD organizou as I Xornadas de Voluntariado de Cooperación para o desenvolvemento o pasado 24 de xaneiro en Santiago de Compostela. O obxectivo das mesmas era crear un espacio de reflexión en torno ao voluntariado de cooperación ao desenvolvemento no que compartir experiencias e visións xunto a persoas voluntarias de distintas organizacións, administracións e outras persoas que xestionen voluntariado. Para cumprir este obxectivo as xornadas dividíronse en duas partes diferenciadas:

1-. Mesa redonda onde se convidou as distintas administracións que traballan co voluntariado de cooperación (Subdirección Xeral de Cooperación Exterior, Fondo Galego de Cooperación e Subdireción Xeral de Voluntariado e Participación).

2.- Obradoiro para compartir experiencias entre as persoas asistentes.

Imos debullar o alí falado e reflexionado tanto na mesa redonda como no obradoiro, para o cal realizaranse varias entradas e facilitar a súa lectura.

1. Mesa redonda: A visión do voluntariado desde a Administración

As persoas participantes na mesa redonda eran:

Carolina Diz, técnica da Subdirección Xeral de Cooperación Exterior.

Daniel González Palau, Secretaría Técnica do Fondo Galego de Cooperación.

Alberto Otero Peña, Subdirector Xeral de Voluntariado e Participación.

Moderadora: Patricia Iglesias, grupo de voluntariado de Enxeñería Sen Fronteiras.

Pretendíase, e así se cree que se conseguiu, crear un espazo de diálogo, de conversa, de comunicación bidireccional, entre a administración e as distintas organizacións alí presentes, que favorecera un coñecemento mutuo e de onde saia información que permitan a creación de sinerxias e unha mellora na forma de traballar. Para o cal a moderadora da mesa ía planteando unha serie de cuestións que as administracións contestarían abrindo despois unha quenda de diálogo cas persoas asistentes. Estas foron:

1. Dende as vosas respectivas administracións como se percibe ao voluntariado das ONGD de desenvolvemento?

- Carolina Diz (Subdirección Xeral de Cooperación)

Laiouse de que non soen tratar con persoas voluntarias se non que o fan cas persoas contratadas polo que non teñen un contacto directo co voluntariado.

Tras analizar os proxectos presentados a Subdirección en torno ao tema do voluntariado (convocatorias de fortalecemento e Educación para o Desenvolvemento), a nivel xeral bota en falta nas ONGD estratexia máis innovadoras, case todas fan o mesmo e do mesmo xeito. Por exemplo para ampliar o voluntariado raramente se sae das típicas charlas, exposicións, etc.

- Alberto Otero (Subdirector Xeral de Voluntariado e Participación)

Recalcou que dende a súa subdirección só traballan en Galicia e a súa relación cas ONGD é a través da subvención de Entidades de Acción Voluntaria (EAV) para cuestións de formación e busca de novas persoas voluntarias.

Destacou que das actuais 800 EAV (na súa maioría concellos, 200, entre outras como asociacións de veciños e culturais) só están rexistradas 30 ONGD.

Tamén se laiou que a única relación que existe é para pedir axudas xa que nos foros que organizan raramente se participa.

A visión que teñen dende a súa administración é temos moi pouca visibilidade salvo as conocidas grandes campañas de comunicación.

Destacou que teñen rexistrados unhas 40.000 persoas voluntarias das cales se incrementaron recentemente nunhas 1500 e xurdiron unhas 14 novas EAV. Todo isto a pesar do problema para acadar financiamento.

- Daniel González (Fondo Galego de Cooperación)

Impulsado nos anos 90 polo IGADI (Instituo Galego de Análise e Documentación Internacional) que se encarga da proxección de Galicia no contexto internacional a través da publicación de distintas análises e estudos, pretende ser o eixo vertebrado das políticas e fondos de cooperación e solidariedade por parte das administracións locais galegas (concellos e deputacións). Consideran o voluntariado como un concepto amplo e elástico que pasou por distintas fases dende unha visión mais internacionalista ata a actual, moito mais ampla e con distintas compoñentes (asistencial, social, etc).

A partir de aquí comeza o diálogo entre a mesa e as persoas asistentes.

- Francisco Durán (Vicerrector de Estudiantes, Cultura e Formación Continua da USC)

Dende a súa experiencia, estanse dando conta de que o voluntariado de cooperación está indo cara o social, xa que o primeiro está a disminuir e o outro incrementase (tal e como constata a experiencia da Subdirección de Voluntariado e Participación).

Comenta que a nivel cooperación internacional dende a USC teñen os programas de coñecemento da realidade e o voluntariado de NNUU. Sen embargo con estes últimos teñen experiencias moi desagradables e van abandoar este programa.

A súa precepción é que aumenta a solidariedade.

- Carmen Novas e Lorena Seijo de Agareso (Asociación de Reporteiros Solidarios Galegos)

Dende esta asociación notan un incremento do número de persoas voluntarias o que fai que teñan que recorrer a xestión por persoas contratadas.

Recoñecen que eles traballan dun xeito moi distinto a outras ONGD, xa que o fan de forma asociada ou en rede con outras ONGD fundamentalmente difundindo proxectos de cooperación e asesorando en temas de comunicación.

Un dos graves problemas actuais que ven é a falta de financiamento.

‎

- Carolina Diz (S. X. de Cooperación)

Segundo constatan os proxectos presentados a esta subdirección as ONGD cústalles atraer persoas voluntarias, xa que os indicadores de aumento de persoas voluntarias non se cumpren. Polo que requírense cambios de estratexias.

Atendendo aos datos dos que dispoñen, mais de 1200 persoas voluntarias recibiron algún tipo de plan de formación.

- Gemma Filgueira (Médicos do Mundo e presidenta da Coordinadora Galega de ONGD)

Na súa ONGD teñen as dúas vertentes, actividade en acción social e cooperación internacional, e pola súa experiencia con respecto a esta última existe un problema de proximidade. No contexto actual de crise, os problemas dos países do Sur vense moi lonxanos, o cal se ve favorecido polo discurso político imperante para xustificar os recortes en cooperación internacional.

‎

- Maika Beltrán (Intermon Oxfam e Veterinarios Sen Fronteiras)

Existe un problema de confusión do voluntariado que se pode realizar nas ONGD, xa que o voluntariado internacional é moi distinto do que se fai en Galicia, e este último está moi invisibilizado.

‎

- Francisco Duran (USC)

Dende a universidade de Santiago se está tirando cara o voluntariado medioambiental e asistencial dado que é o que se está demandando. Cree que é necesario diferenciar cooperación de cooperación ao desenvolvemento.

Dentro da universidade constata un aumento dos proxectos de investigación moitos dos cales teñen como protagonista a muller.

Continuará...

Nas seguintes entradas comentaranse as seguintes cuestións plantexadas na mesa redonda:

- Puntos fortes e débiles a destacar do conxunto das organizacións.
- Propostas de mellora dende a administracións
- Ferramentas das que dispón a administración para fortalecer as organizacións e ao seu voluntariado.

Así como algunhas das conclusión dos obradoiros de intercambio de experiencias entre as ONGD presentes nas xornadas.

Entrevista a José María Vara Rodríguez - Radio Galega

Aquí podedes escoitar o audio da entrevista realizada a José María Vara Rodríguez, voluntario da ONGD Enxeñería Sen Fronteiras Galicia; emitida no programa "Convivir en Igualdade" da Radio Galega o 13 de marzo de 2013.

Durante a conversa, Pepe Vara (que é membro fundador da asociación dende 1993) fala sobre os 20 anos que cumpre ESF Galicia poñendo a Tecnoloxía ao servizo do Desenvolvemento Humano e fai un completo repaso das actividades e proxectos que ESF Galicia leva desenvolvendo ao longo de todo este tempo.

Entrevista a José María Vara Rodríguez - Radio Voz

Aquí podedes escoitar o audio da entrevista realizada a José María Vara Rodríguez, voluntario da ONGD Enxeñería Sen Fronteiras Galicia; emitida no programa "Con Voz de Sábado" de Radio Voz o 23 de febreiro de 2013.

Durante a conversa, Pepe Vara (que é membro fundador da asociación dende 1993) fala sobre os 20 anos que cumpre ESF Galicia poñendo a Tecnoloxía ao servizo do Desenvolvemento Humano e anuncia os actos de celebración do XX Aniversario que terá lugar en Santiago de Compostela os días 9 e 10 de marzo de 2013.

Entrevista a Javier Lendoiro Santos - Radio Cerna

Aquí podedes escoitar o audio da entrevista realizada a Javier Lendoiro Santos, voluntario da ONGD  Enxeñería Sen Fronteiras Galicia; emitida no programa "Radio Cerna" de ADEGA o 19 de marzo de 2012.

Durante a conversa, Javier presenta o Foro Internacional de Auga que se celebra na Coruña, Santiago de Compostela e Vigo do 20 ó 24 de marzo de 2012; organizado por ESF Galicia coa vontade de ser un espazo de encontro Norte - Sur no que se debata e reflexione sobre o Dereito Humano á Auga.

Entrevista a Patricia Iglesias Fernández - Agareso Radio

Aquí podedes escoitar o audio da entrevista realizada a Patricia Iglesias Fernández, voluntaria da ONGD  Enxeñería Sen Fronteiras Galicia; emitida no programa "Zona ONG" de Agareso Radio o 9 de marzo de 2012.

Durante a conversa, Patricia presenta á asociación e fai un repaso dos Proxectos de Cooperación que ESF Galicia está a desenvolver na actualidade en Centroamérica e das actividades de sensibilización que están realizándose en Galicia.

ESF Galicia no Espazo Solidario 2011

O sábado, 19 de febreiro de 2011, celebrouse na Coruña unha nova edición do Espazo Solidario 2011 que tivo lugar no Pazo de Exposicións e Congresos da Coruña (PALEXCO).

No evento participou un importante elenco de entidades sociais da cidade, como ONG's ou organizacións nas que o voluntariado é protagonista. A presenza de todas elas converteu o encontro nun espazo moi plural e xunto coas actividades organizadas por parte do Concello da Coruña (entidade organizadora) pódese concluir que o Espazo Solidario 2011 foi todo un éxito, pois cabe mencionar que aínda que pola mañá a participación foi máis ben escasa, pola tarde, viuse considerablemente incrementado o número de participantes.

Así pois, foron numerosas as persoas que se pasaron polo stand de ESF Galicia para interesarse pola asociación e repartíronse trípticos “Quen Somos”, Manifestos do Sahara, trípticos de “Fiare” e ata incluso chapas como agasallo ás persoas que participaban nalgunha das actividades propostas: A da Pegada Ecolóxica e unha actividade relacionada coa reciclaxe que foi a que máis éxito tivo por parte dos participantes. No caso concreto de ESF Galicia, a cita serviu para:

• Dar a conocer ESF Galicia como asociación, as actividades que se realizan a través do nosos materiais (actividades, xogos...).
• Captar novos voluntarios.
• Sensibilizar sobre diversos temas.
• Interactuar con outras ONG's e organizacións.
• Visibilizarse no ámbito social do voluntariado da cidade da Coruña e ante os poderes públicos.

No que se refire á organización interna, débese mencionar o seguinte: o obxectivo a preseguir neste tipo de eventos é que participe xente de todos os grupos da sede, para que o reparto de horas dos voluntarios sexa máis equitativo, cousa que NON se conseguiu nesta ocasión, ademáis, percibiuse moi pouca implicación e interese por parte do voluntariado da Sede da Coruña neste evento, feito que podería ser tema a debater nas próximas Reunións de Sede ou incluso nas listas de correo; pois dadas as circunstancias, prantexanse as seguintes cuestión:

• Porqué as persoas voluntarias non acaban de implicarse neste tipo de eventos?
• É posible que os voluntarios non crean na utilidade deste tipo de eventos?
• Paga a pena que ESF Galicia participe nestes eventos?

O Coordinador de Sede que suscribe estas liñas, quere deixar clara a súa opinión a este respecto, pois considera que unha entidade como ESF Galicia non debe deixar pasar este tipo de oportunidades que se brindan para cumplir os obxectivos que quedan mencionados nas primeiras liñas desta entrada de blog. Ó mesmo tempo destacar e agraceder a participación e implicación dos voluntarios que sí formaron parte do stand e foi gracias a eles polo que puido leverse a cabo o evento.

Qué opinades vos???

Entrevista a Sergio Fernández Alonso - Radio Galega

Aquí podedes escoitar o audio da entrevista realizada a Sergio Fernández Alonso, Técnico de Proxectos da ONGD Enxeñería Sen Fronteiras Galicia; emitida no programa "Convivir en Igualdade" da Radio Galega o 23 de marzo de 2010.

Durante a conversa, Sergio presenta á asociación e fai un repaso dos Proxectos de Cooperación que ESF Galicia está a desenvolver na actualidade en Centroamérica e das actividades de sensibilización que están realizándose en Galicia.

REUNION CON ARQUITECTOS SIN FRONTERAS. LA IMPORTANCIA DEL TRABAJO EN RED

Ayer tuvimos una primera reunión de conocimiento y acercamiento con Arquitectos Sin Fronteras, compañeros de fatigas en esto de promover la cooperación al desarrollo en la universidad. Tienen su sede en Galicia en la Facultad de Arquitectura, en el Campus de A Zapateira, A Coruña.

Emanuele Lini, el responsable de Demarcación de Galicia, se acercó por nuestro local y estuvimos casi dos horas con Pepe Vara, nuestro vicepresidente, conociéndonos mútuamente y compartiendo experiencias y lecciones aprendidas, además de buscando espacios para poder colaborar (hace tanta falta el trabajo en red en cooperación...). Ya el año pasado hubo experiencias buenas con INTERMON, y ya desde este año en Honduras con Amigos da Terra a nivel logística (de momento, esperamos poder hacer más cosas).

ASF está ahora mismo en un proceso importante de planificación estratégica y fortalecimiento en Galicia, mientras continúan con sus líneas de trabajo de proyectos de cooperación internacional (desde la demarcación de Galicia llevan el proyecto de Guatemala con la Xunta de Galicia y otras ONG), y de cooperación local (con talleres de distrito activo, remodelación y regeneración de barrios en Coruña, y también accesibilidad y supresión de barreras arquitectónicas), además de la promoción de la cooperación en la universidad (han conseguido que en Arquitectura se oferte un proyecto fin de carrera enmarcado en su proyecto en Guatemala).

Como puntos en común, aparte de promover en la universidad la introducción de contenidos sobre cooperación y educación para el desarrollo, está la promoción del derecho a servicios básicos (habitabilidad, agua, energía, etc.), que van muy entrelazados, y que esperamos sea la base de alguna actividad o campaña conjunta. Os iremos contando, y aprovechamos para desear suerte y mandar ánimos a ASF en su nueva etapa.

IV Curso Tecnoloxía e Cooperación para o Desenvolvemento Humano

Enxeñería Sen Fronteiras Galicia (ESF Galicia)organiza, en colaboración coa Universidade de Santiago de Compostela, a cuarta edición do curso Cooperación e Tecnoloxía para o Desenvolvemento Humano.

A través del, Enxeñería Sen Fronteiras persegue mostrar ao alumnado unha visión global das causas e consecuencias da pobreza e da desigualdade no mundo e a necesidade de xuntar esforzos e adquirir un compromiso activo para poder combater esas situacións.

Mostrarase ademais a importancia de por a tecnoloxía e a enxeñería ao servizo do desenvolvemento, entendéndoas e aplicándoas dentro do entorno cultural, político,
social, económico e ambiental en que se empregan.

O curso englobase dentro do Programa de Educación para o Desenvolvemento de ESF-Galicia.

Solicitado recoñecemento con 2 créditos paratodas as titulacións da USC.

Duración do curso: 60 horas
Datas: 6, 7, 8 - 20, 21 e 22 de marzo.
Lugar: Salón de Actos da ETSE -Campus Sur de Santiago de Compostela
Destinatarios: comunidade universitaria e todas aquelas persoas que están interesadas na cooperación ao desenvolvemento.

Mais información e incrición na páxina web do curso
Contacto: compostela@galicia.isf.es

Concurso de Microrelatos de Implicadas

Implicadas no Desenvolvemento (IND) es una ONGD gallega especialmente centrada en los problemas de género. Hace cerca de un mes convocaban un concurso de microrelatos para celebrar su décimo aniversario y hoy publican el nombre de la ganadora, Susana Sánchez. Copiamos aquí un cachito del relato pero os animamos a leerlo entero porque es francamente bueno.

- Vê-se que estás satisfeita… Mas IND nom és ti. Que novas há na tua vida pessoal?

- Nom sei onde acaba IND e começa a minha intimidade. Isso é implicar-se: aprendes, expos-te, sintes, compartes, conheces, vives… e acabas por enredar e já nem recordas onde ficou o cabo do novelo. IND ajudaria a mudar umha miga o mundo: a mim mudou-me inteira. Pouco me assemelho àquela que conheceches. Agora som outra.

Enhorabuena a la ganadora y gracias a IND por convocar el concurso y dejarnos leer estas palabras con las que muchos nos sentimos identificados