EpD en Salceda de Caselas. 25 e 26 de novembro.

Despois das xornadas “bioconstrución” e “ferramentas para a transformación social”, os vindeiros 25 e 26 de novembro vanse celebrar en Salceda de Caselas as últimas actividades do programa “Concienciación ecolóxica” dentro da actual convocatoria de Educación para o Desenvolvemento financiada pola Xunta de Galicia. Unha vez máis contaremos coa colaboración da asociación local TrezeCatorze.

- SÁBADO 25 ás 17h no centro social A Devesa.

Dentro da liña de traballo sobre soberanía alimentaria, o sábado 25 (17:00 h) poderemos coñecer máis en profundidade os Sistemas Participativos de Garantía (SPG) da man dos seus propios creadores. Contaremos coa participación do recén creado SPG A Gavela (Pontevedra) e, o SPG en proceso de creación, Mercado da Terra (Lugo). O obxectivo é acercar á cidadanía este concepto do que cada vez se fala máis pero sobre o que aínda recae moito descoñecemento. A mesa redonda terá lugar no centro social A Devesa.


- SÁBADO 25 ás 20h no centro social A Devesa.

A xornada cerrarase coa proxección do último traballo do director de “Dos tomates, dos destinos”, David Salvochea. El mesmo nos presentará “Planeta azúcar”, curtametraxe que se integra dentro da campaña “25 gramos” de VSF Justicia Alimentaria Global, e que busca concienciar as consecuencias da produción e consumo masivo de azucre.

- DOMINGO 26 ás 11h no Auditorio Municipal: Seguindo a outra liña temática do programa, a ordenación do territorio, dedicarase a mañá (11:00 h) do domingo 26 a acercar, neste caso, o concepto de custodia do territorio. Aínda que o termo pode parecer novidoso, na práctica é máis coñecido do que se pode crer. Figuras como as comunidades de montes en man común propias de Galicia e norte de Portugal, son vellas coñecidas desta práctica.

Pero como toda ferramenta, non sempre é ben usada. Catástrofes ambientais como a causada polos incendios do pasado mes de outubro, especialmente neste concello e arredores, deixan en evidencia esta realidade. Queremos aproveitar esta oportunidade para darlle un enfoque práctico ás potencialidades da custodia do territorio como medio de prevención de incendios.

Contaremos coas aportacións daqueles que máis saben do tema. Contaremos coa participación da Asociación Galega de Custodia do Territorio, de Ridimoas- Asociación cultural e ecolóxica para a defensa e estudo dos bosques autóctonos  (Ribadavia), do Grupo de Traballo da SGHN “Valora Natura- Gándaras de Budiño”, Comunidade de Montes de Teis (Vigo) e a Iniciativa Social de Custodia Verdeval Asociación .
Terá lugar no Auditorio Municipal


As xornadas, excepto a proxección, contarán con obradorios infantís paralelos para facilitar a asistencia de pais e nais.

Máis info: trezecatorze[arroba]gmail.com

"Miradas ecofeministas para transitar un mundo xusto e sostible"

O pasado xoves poidemos asistir en Vigo a unha charla sobre "Miradas ecofeministas para transitar un mundo xusto e sostible" impartida por Yayo Herrero, directora de FUHEM e ex-coordinadora estatal de Ecologistas en Acción, licenciada en Antropoloxía Social e Cultural, Educadora Social e Enxeñeira Técnica Agrícola. Yayo Herrero é un referente nacional e internacional da ecoloxía social, o feminismo e a corrente do decrecemento.

A charla foi organizada por Impórtanos coa Vicerreitoría de Extensión Universitaria da Universidade de Vigo, dentro do obradoiro "Achégate ao Sur" e financiada polo Concello de Vigo e a Dirección Xeral de Relacións Exteriores e coa Unión Europea (Xunta de Galicia).

A ponencia estivo adicada a análise das problemáticas actuáis dende a perspectiva do Ecofeminismo. Aínda que a análise non resulta doada, a capacidade comunicativa de Yayo Herrero aporta claridade e sinxeleza a unha temática tan complexa. A súa exposición abordou as principáis dificultades da humanidade dende distintas perspectivas, partindo dun punto común, o recoñecemento de que vivimos nun momento histórico no que tanto a economía, as políticas e mesmo a cultura, téñenlle declarada a guerra á vida. 

Partindo desta premisa, achegounos a cuestións como o esgotamento enerxético, o extrativismo de materiais ou o cambio climático. Por outra banda, mostrou as desigualdades do sistema capitalista, como un modelo que entra en dúas contradicións fundamentais: por un lado, trátase dun sistema económico que non pon límites o crecemento e que se sustenta mediante unha serie de recursos finitos; por outro, cunha poboación cada vez máis envellecida, o sistema non pon en valor os coidados das persoas, tendo que ser asumidos no ámbito privado, na maioría dos casos polas mulleres. En definitiva, trátase dun sistema que non ten en conta as ecodependencias e interdependencias que permiten a sostenibilidade da vida, por iso fai fincapé na urxente necesidade de reaccionar. 

Aquí se pode ver a intervención enteriña!!