Formación | ESF como comunidade de aprendizaxe colectiva

Entrevista a Sergio Fernández Alonso - Radio Galega

Aquí podedes escoitar o audio da entrevista realizada a Sergio Fernández Alonso, Técnico de Proxectos da ONGD Enxeñería Sen Fronteiras Galicia, emitida no programa "Lambóns Dixitais" da Radio Galega o 18 de novembro de 2017.

Durante a conversa, Sergio fala sobre o obradoiro de mantemento de ordenadores portátiles e os obradoiros de bioconstrucción organizados por ESF Galicia, asemade, aproveita para presentar as distintas actividades nas que está a traballar a asociación.
ame>

Entrevista a Patricia Iglesias Fernández - Radio Voz

Aquí podedes escoitar o audio da entrevista realizada a Patricia Iglesias Fernández, voluntaria da ONGD Enxeñería Sen Fronteiras Galicia, emitida no programa "Con Voz de Sábado" de Radio Voz o 1 de abril de 2017.

Durante a conversa, Patricia fala sobre o "Estudo sobre a incorporación de valores éticos no ámbito empresarial tecnolóxico" elaborado por ESF Galicia co financiamento de Cooperación Galega da Xunta de Galicia.

Entrevista a Saúl Rilo Álvarez - Radio Galega

Aquí podedes escoitar o audio da entrevista realizada a Saúl Rilo Álvarez, voluntario da ONGD Enxeñería Sen Fronteiras Galicia, emitida no programa "Galicia por Diante" da Radio Galega o 18 de novembro de 2016.

Durante a conversa, Saúl fala sobre Consumo Responsable e aproveita ademáis para presentar as distintas actividades nas que está a traballar a asociación.

Charla EpD en Compostela

O día 28 de Abril participamos, na Facultade de Ciencias da Educación da USC, nun achegamento á educación para o desenvolvemento (EPD).

Abriron as xornadas Xoán, Patri e Miño.

Comezouse coa dinámica dos plátanos dirixida por Xoan. Nela pediuse a colaboración dos alumnos para que probasen un anaco de plátano e un de banana e nos desen a súa opinión sobre cal era cada un. Esta dinámica ten por obxetivo facernos pensar por nos mesmas  e plantexarnos novas formas de velas cousas. Foi moi ben acollida e fixo espertar cedo a atención de todos.

Continuou Patri presentando ESF e explicando o concepto de EPD, a evolución e os instrumentos.

Logo Xoan falou das Xeracións da EpD. Axudouse duns vídeos e logrou una participación activa discutindo sobre o contido de cada video e a relación cas etapas. Conseguiu moita implicación do alumnado e incluso xurdiron algúns debates ao haber multitude de opinións.

Patri falounos das dimensións da EpD e logo Xoán presentounos a asignatura que se imparte na Escola de Camiños da Coruña.

Por último interveu Miño tentando amosar o importante que é a auga e cómo se usa. Comezou con algunhas preguntas como “Cantos litros de auga se necesitan para a producción dunha caña?” ou “Sabedes cantos litros de auga se precisan para fabricar un café?” Moitos quedaron abraiados coas respostas.

Rematamos con Patri de novo, falándonos do traballo voluntario e dos PCR e invintando á xente a animarse a colaborar con nós. Así foi que houbo opinións e xente interesada ao respecto.

Entrevista a Sergio Fernández Alonso - Radio Galega

Aquí podedes escoitar o audio da entrevista realizada a Sergio Fernández Alonso, Técnico de Proxectos da ONGD Enxeñería Sen Fronteiras Galicia, emitida no programa "Convivir en Igualdade" da Radio Galega o 23 de xullo de 2015.

Durante a conversa, Sergio fala sobre os "Cursos Online de Enxeñería Sen Fronteiras" organizados por ESF Galicia e aproveita ademáis para presentar as distintas actividades nas que está a traballar a asociación.

Tertulia con José María Vara Rodríguez - CUAC FM

Aquí podedes escoitar o audio da tertulia na que participou José María Vara Rodríguez, voluntario da ONGD Enxeñería Sen Fronteiras Galicia na Coruña, emitida no programa "Ar de Coruña" de CUAC FM (Emisora Comunitaria da Coruña) o 25 de abril de 2015.

Durante a tertulia, con representantes doutras organizacións fálase das ONGD e da cooperación en xeral e Pepe presenta en particular a asociación facendo un repaso dos Proxectos de Cooperación que ESF Galicia está a desenvolver na actualidade e das actividades de sensibilización que se están a realizar.

Clase na Escola de Relacións Laborais

O pasado 5 de marzo estivemos na Escola de Relacións Laborais dando unha charla nunha das clases expositivas da asignatura de Comportamento Organizacional. Alí tratamos temas coma auga, desigualdade no mundo, o xeito no que nos relacionamos, ademáis dunha pequena introducción ao que fai esf. A continuación contaremos máis detidamente o que se fixo.



-Sen que non poderiades vivir?

-A que vos referides, cousas inmateriais, materiais?

-O que vos pareza, o primeiro que se vos pase pola cabeza. A pregunta é moi clara, a resposta, parece que non tanto.

Soaron palabras. Familia, comida, osíxeno... Alguén suxeriu a resposta que nós esperabamos, como un eco de fondo, perdido entre todas aquelas palabras. Isto fainos recordar o afastados que estamos as veces da nosa propia natureza, e o difícil que nos resulta recordar o que verdadeiramente nos fai seres humanos, o que verdadeiramente nos fai seres vivos.

A resposta buscada era Auga, así, con maiúsculas. Poderiamos discutir cousas filosóficas sobre que está primeiro dentro das nosas necesidades pero o feito obxetivo é que unha persoa non pode vivir mais que uns poucos días sen beber e non hai ningún ser vivo que non precise de Auga para sobrevivir.  “Existo, logo bebo”

Explicamos o piar fundamental no que se sustenta toda a filosofía de Enxeñería sen Fronteiras nesta temática. O Dereito Humano á Auga. Así como o DH a Vida é algo que calquera persoa do noso entorno non lle resulta díficil comprender, o Dereito Humano á Auga non parece ser tan intuitivo. Partimos das seguintes premisas:

-Relación biunívoca entre Auga e Vida.

-Dereito Humano a Vida.

-Non posibilidade de mercantilización dun Dereito Humano. A Vida non se pode mercantilizar, estariamos falando de escravitude.

A consclusión lóxica destas premisas é que a Auga debe ser un Dereito Humano e que non pode ser mercantilizado, ó menos non na primeira dimensión que ten que ver coa Vida.

Falamos algo de historia. Dende a Declaración Universal dos Dereitos Humanos, pasando polas Cumbres de Rio de Janeiro de 1992, a de Johhanesburgo do ano 2002. Converxemos en Asamblea Xeral, o 28 de Xuño do ano 2010, para facer explicita a declaración do Dereito Humano a Auga. Dí así:

“Recoñece que o Dereito a auga potable e o saneamento é un Dereito Humano esencial para o pleno disfrute da vida e de todos os Dereitos Humanos.”

Fixemos un fugaz percorrido polos distintos modos de xestión o longo da historia para rematar esta parte explicando as ideas recollidas pola Nova Cultura da Auga.

Auga Vida. Relacionada co Dereito Humano. É de interés xeral.

Auga Cidadanía. Relacionada co Dereito Cidadán e a vida digna na sociedade actual. Tamén é de interés xeral.

Auga Economía. Refírese o dereito de empregar a auga con fins produtivos. É de interés lexitimo, pero particular, e non debe estar nunca por encima dos intereses xerais.

Por último explicamos algúns bos hábitos, mais no día a día. Non hai que perder de vista que o cambio empeza por un mesmo, nas pequenas accións cotiáns. Tampouco se trata de levar un manual de instrucións no peto, senón de facer cambios puntuais, pouco a pouco. Se conseguimos iso, xa teremos feito algo.

Tras a exposición de Miño, pasamos a realizar a dinámica dos cubos. Unha actividade que ten como obxetivo comprobar e analizar a desigualdade no reparto dos recursos.

Fixeronse 4 grupos desiguais con un distinto número de materiales. Mandaronselle facer o máximo número de cubos. Os cubos tiñan que ser dun determinado tamaño e tiñan que pasar o control da xueza (Alba). A actividade foi moi ben acollida polo alumnado e a participación foi moi activa.

Cando finalizou o tempo expusemos entre todos as nosas percepcións. Foi unha experiencia moi positiva para todos, e pasamolo moi ben. Juan espuxonos finalmente as conclusións da dinámica. 

A participación foi moi activa e chegaronse a conclusións moi interesantes.

Finalmente Pepe falounos un pouco sobre ESF, quenes somos e que facemos. A experiencia foi moi divertida e participativa; e esperamos repetila o vindeiro curso.

Entrevista a Antía Yáñez Rodríguez - Onda Cero Radio

Aquí podedes escoitar o audio da entrevista realizada a Antía Yáñez Rodríguez, voluntaria da ONGD Enxeñería Sen Fronteiras Galicia na Coruña, emitida no programa "Pontevedra na Onda" de Onda Cero Pontevedra o 25 de marzo de 2015.

Durante a conversa, Antía fala sobre o Dereito Humano de acceso á Auga, ademáis de presentar as distintas actividades nas que está a traballar a asociación neste eido, como o programa en Honduras co Fondo Galego de Cooperación, ou as actividades da Semana da Auga.

Entrevista a Antía Yáñez e Miño Guerreiro - Radio Fusión

Aquí podedes escoitar o audio da entrevista realizada a Antía Yáñez e Miño Guerreiro, voluntarios da ONGD Enxeñería Sen Fronteiras Galicia na Coruña, emitida no programa "Arredor de Nós" de Radio Fusión o 23 de marzo de 2015.

Durante a conversa, Antía e Miño falan sobre o Dereito Humano de acceso á Auga, ademáis de presentar as distintas actividades nas que está a traballar a asociación neste eido, como o programa en Honduras co Fondo Galego de Cooperación, ou as actividades da Semana da Auga.

Entrevista a Sergio Fernández Alonso - Radio Galega

Aquí podedes escoitar o audio da entrevista realizada a Sergio Fernández Alonso, Técnico de Proxectos da ONGD Enxeñería Sen Fronteiras Galicia; emitida no programa "Convivir en Igualdade" da Radio Galega o 13 de novembro de 2014.

Durante a conversa, Sergio fala sobre o "I Certame de microrrelatos Tecnoloxía para o Desenvolvemento Humano" organizado por ESF Galicia e aproveita para matizar o concepto de Tecnoloxía aplicada para o Desenvolvemento, ademáis de presentar as distintas actividades nas que está a traballar a asociación.

Tertulia con Sandra García García - CUAC FM

Aquí podedes escoitar o audio da tertulia na que participou Sandra García García, voluntaria da ONGD Enxeñería Sen Fronteiras Galicia na Sede da Coruña; emitida no programa "Sin Etiquetas" de Cuac Fm (Emisora Comunitaria da Coruña) o 2 de xuño de 2014.

Durante a tertulia, con representantes doutras organizacións fálase das ONGD en xeral e Sandra presenta en particular a asociación facendo un repaso dos Proxectos de Cooperación que ESF Galicia está a desenvolver na actualidade e das actividades de sensibilización que se están a realizar.

Encontros PCR

O vindeiro xoves 20 de marzo, realizarase no campus de Lugo un encontro sobre as recentes experiencias de PCR (Programa de Coñecemento da Realidade) en Honduras e outra fai uns anos na RASD, ademáis da presentación do grupo de Lugo de Enxeñería Sen Fronteiras.

Lugar e hora:

-17:00 h. Seminario 2 (Ampliación), Escola Politécnica Superior.

Anímate e axúdanos a difundilo. Faltas ti!

Curso de Voluntariado USC finiquitado

    Esta fin de semana, o sábado pola tarde, no salón de actos da facultade de matemáticas, estabase producindo unha axitación no pensamento duns 80 estudantes da USC. E ''axitación'' ou ''cambio'' en grego dise ''crise'', de aí o nome de pensamento crítico, o pensamento que cambia as cousas, ou a súa maneira de representalas. Polo menos, iso foi o que lles dixen eu. Se se produxo pensamento crítico ou non, non o podemos saber a ciencia certa, pero se facemos un repaso polas estatísticas, eu creo que podemos quedar satisfeitos:

• Estudantes conformes coa educación bancaria: 1.
• Voluntarios de ESF griposos: 2.
• Candidatos a meterse no voluntariado de ESF Santiago: 3
• Persoas coa boca aberta escoitando o relato do PCR de Yolanda: Ao redor de 80, aínda que as autoridades elevan a cifra a varios centos de miles.

     Todo un éxito. A charla de Educación para o Desenvolvemento dada por Belén, Yolanda e un servidor (Miguel) tivo o seu impacto nos estudantes. Para iso, foi necesario preparar unha boa presentación con Prezi (Presentación EpD 2013), pero tamén foi necesaria unha enorme apertura para escoitar as intervencións dos estudantes. Este ano non podemos dicir nin de lonxe que non foran participativos. Ao principio de todo, puxémoslles o vídeo ''O perigo dunha soa historia'' (ver aquí: El peligro de una sola historia), e pola metade, deixou de funcionar ben. Pois ben, xa nese momento lles animamos a compartir os seus pensamentos, e xa se produciu un verdaeiro intercambio. O noso propio guión viuse rapidamente modificado pola espontaneidade do público.


 

    O punto máis álxido das intervencións acadouse na discusión entre a educación bancaria e a transformadora. Os estudantes reflexionaban sobre cómo estes conceptos podían aplicarse a educación universitaria que recibían (a meirande parte opinaba que era de carácter bancario). Tamén surxiu unha interesante discusión tratando de discernir se era adecuada unha comunicación totalmente horizontal entre profesor e alumno ou se mais ben era útil que o profesor conservara parte da autoridade, tal como di José Antonio Marina.




  Pero houbo máis que discusión nesta charla. Durante o descanso, varios dos asistentes acercáronse a nós con interese polas nosas actividades como voluntarios en ESF. Mantivemos breves e agradables conversacións con eles, e despois, volvimos á carga.

    A última parte da charla ocupouna Yolanda contándonos a súa experiencia en Honduras no Programa de Coñecemento da Realidade. Como ela mesma dixo, aínda non acaba de aterrizar, e todavía estaba comenzando a darse conta do impactante que lle resultou a experiencia, i esa sensación foi a que nos transmitiu cando falou. Estaba tan metida no que dicía que todo o mundo a atendía sen parpadear; ela contaba como ir aló rompíache os esquemas; como para comprender á xente de alí facía falta una empatía brutal, pero sobre todo como era moi difícil aprender a respetar profundamente o que alí atopabas. O público a escoitaba, sumido no seu relato, ao igual que Belén e máis eu.

    Finalmente, os estudantes nos dedicaron un forte aplauso. Eu creo que podemos estar satisfeitos. O noso obxetivo era darnos a coñecer, contar o que facemos, espertar un pouco ás conciencias críticas e, xa pensando nun efecto máis directo, animar a novos voluntarios. Creo que podemos dar estes obxetivos por cumplidos. No grupo de Educación para o Desenvolvemento de Santiago, esperamos volver a ter oportunidades similares pronto. Mentres tanto, seguiremos falando do mundo nalgunha cervexería do casco vello, maquinando ideas para as futuras presentacións.

  

Crónica 2º Obradoiro Tecnoloxia Apropiada: Gasolineiras Caseiras

Que é a Tecnoloxía? Unha tecnoloxía é un conxunto de coñecementos, unha forma de pensar, de solucionar as dificultades que se nos presentan. Toda tecnoloxía pode ser apropiada ou non en función dos factores exteriores, que non dependen da mesma, pero que si a condicionan na súa utilización como mecanismo de resolver problemas sen crear outros novos.

Dentro do ciclo de obradoiros prácticos en tecnoloxías apropiadas que está a organizar a asociación Enxeñería sen Fronteiras, en Santiago de Compostela, o pasado 20 de marzo celebrouse na facultade de Fisica o segundo módulo sobre gasolineiras caseiras no que se nos mostrou a reciclaxe de aceite vexetal para empregalo como combustible. Desta vola contamos ca colaboración da asociación de estudantes Isaac Newton (AISNE). Gracias compañeiros!!!

 

Gino Pirelli foi o encargado de explicar o proceso.

Primeiro presentou ós asistentes os conceptos básicos da mecanica dun motor diesel e a composición quimica do aceite,para despois dar paso á explicacion dos pasos necesarios para o uso do aceite.

2º obradoiro: gasolineiras caseiras, emprego de aceite vexetal usado como combustible

Enxeñería Sen Fronteiras (ESF) está a realizar unha serie de obradoiros prácticos en tecnoloxías apropiadas. O segundo, gasolineiras caseiras, emprego de aceite vexetal usado como combustible, realizarase o vindeiro mércores 20, as 19 horas no hall da Facultade de Física no Campus Vida, antigo campus Sur da USC. Desta volta contamos ca colaboración da asociación de estudantes Isaac Newton (AISNE).

Estas actividades abertas ao público en xeral consistirán, neste segundo obradoiro, nunha exposición práctica sobre a reciclaxe de aceite vexeral usado como combustible en motores diesel. Explicarse todo o proceso, dende a recollida, filtrado, as normas a ter en conta, mesturas e proporcións, propiedades e rendementos. Tamén se fará referencia a diferenza do aceite filtrado co biodiesel e darase a coñecer a rede de “Gasolineiras caseiras". Non hai que esquencer, de que a parte dun importante aforro económico este tipo de practica implica unha diminución do impacto ambiental dos combustibles fósiles. 

Obradoiros prácticos de Tecnoloxia Apropiada

2º Obradoiro: gasolineiras caseiras. Emprego de aceite usado como combustible.

Mercores 20 de marzo

19 horas

Hall da Facultade de Física (Campus Vida)

 

O cartel é obra de Daniel Diaz Grandío.

1º Obradoiro: como facer un forno solar caseiro.

Daniel Diaz Grandío levou a cabo este gran deseño do cartaz dos obradoiros de tecnoloxía apropiada. Velaí o do primeiro:

Esperamosvos o mércores!

Máis información en Obradoiros Prácticos en Tecnoloxías Apropiadas en Santiago de Compostela


(*) http://esfgalicia.blogspot.com.es/2013/02/obradoiros-practicos-en-tecnoloxias.html

1º Obradoiro practico de tecnoloxía apropiada en Santiago...

Achégate ou difunde...

Tecnoloxía apropiada - Charla en Vigo

Nos tempos que corren estamos rodeados de tecnoloxía. Dende as megaconstruccións propias do campo da enxeñería civil, coma pontes ou outras grandes infraestructuras, ata a máxima miniaturización acadada nos teléfonos móbiles de última xeración. Todas elas innovacións que, dunha maneira ou outra, modifican o estilo da vida das persoas usuarias das mesmas, así como do seu entorno. Agora ben, ¿responden sempre estas innovacións ás necesidades reais da población? ¿E esta quen ten o control sobre a mesma? ¿Son igual de válidas as mesmas tecnoloxías nuns lugares ca noutros? Estas e outras cuestións serán respondidas na charla que terá lugar o mércores 23 de maio ás 20:30h na cafetería UF, en Vigo na Rúa Pracer, número 19.

Achégate!!!

Ver mapa más grande

Entrevista a Javier Lendoiro Santos - Radio Cerna

Aquí podedes escoitar o audio da entrevista realizada a Javier Lendoiro Santos, voluntario da ONGD  Enxeñería Sen Fronteiras Galicia; emitida no programa "Radio Cerna" de ADEGA o 19 de marzo de 2012.

Durante a conversa, Javier presenta o Foro Internacional de Auga que se celebra na Coruña, Santiago de Compostela e Vigo do 20 ó 24 de marzo de 2012; organizado por ESF Galicia coa vontade de ser un espazo de encontro Norte - Sur no que se debata e reflexione sobre o Dereito Humano á Auga.