21 nov. 2010

ESF na III Feira de Asociacións da UDC

O pasado mércores, 17 de novembro de 2010 celebrouse na Facultade de Sociloxía da Universidade da Coruña a 3ª edición da Feira de Asociacións na que se deron cita numerosas entidades do mundo universitario, entre as que se atopaba ESF Galicia como asociación convidada.

Un importante número de persoas, a maioría estudantes, interesáronse en coñecer cousas de ESF Galicia. Aspectos como o funcionamento interno, as actividades que realiza, os proxectos e campañas nas que traballa e como colaborar, foron algunhas das explicacións máis demandadas.

Tamén se tratou de deixar claro que non é preciso ser enxeñeiro para colaborar ou participar en ESF Galicia. Dende o stand ESF Galicia, repartíronse trípticos explicativos e documentos coa memoria das actividades realizadas ao longo destes últimos anos.

Tamén se ofrecía a posibilidade de ollar algunhas publicacións que informan sobre as actividades e proxectos levados a cabo por ESF Galicia así como aqueles onde se mencionan os posicionamentos de ESF Galicia ante determinados temas, como a situación do Sahara Occidental.

Ademáis, para dinamizar, amenizar e incentivar a participación tamén se convidaba aos interesados que visitaban o stand a participar nos xogos e actividades . Todos os voluntarios que participaron na organización e formaron parte do stand de ESF Galicia, coinciden en que foi todo un éxito, pois cumplironse os obxectivos fundamentais: promocinarse, darse a coñecer e informar sobre as actividades que se están a levar a cabo dende ESF Galicia.

1 comentario:

Sabela dijo...

Y también comentar que no estuvimos nada contentos con el sitio en el que se celebró la feria este año: el pasillo de arriba del salón de actos, que estaba en la última planta y medio escondido. Es decir, que si encontrabas la feria era o porque participabas en algún stand o porque estabas muy motivado. Años anteriores se celebró en las entradas de las facultades, con lo cual era mucho más visible y se acercaban más estudiantes por los stands.