Todo o bo remata: Fin do curso de TCPDH en Santiago

Hoxe rematou en Santiago a VI edición do curso de "Tecnoloxía e cooperación para o desenvolvemento humano", unha edición caracterizada polo bo rollo e compañeirismo que se podía respirar no ambiente (a pesares das intimidantes intervencións dalgún que outro organizador/a chung@....) e pola gran implicación dos alumnos dentro das charlas dando a súa opinión e favorecendo o tan enriquecedor debate.

Por isto, énchenos de orghullo e satisfación o feito de que tanto os alumnos como os propios organizadores o pasásemos tan ben aprendendo, porque esa é a única maneira. Só relacionándonos cos que temos ao lado, compartindo as nosas ideas, debatindo e, en definitiva, pasándoo ben podemos aprender! (hai que ver como nos influíu a charla de Educación para o desenvolvemento e o tan claro que nos quedou que hai que rachar co desfasado modelo de ensino bancario!).

Por último, non nos podemos esquecer dun dos mellor

es momentos do curso, tanto pola ampla temática tratada, como polas sinerxias establecidas, sen esquecer tódalas dinámicas realizadas, é dicir, a cea de clausura!

Nela, ademais de contar con membros de ESF, tivemos o placer de compartir mesa e incluso banco cun importante número de alumnos, que de bo grado celebraron connosco o fin do curso e nos fixeron ver como todo o traballo (feito e por facer

) se ve máis que compensado ao remate destas xornadas.

Así, só nos queda dar as grazas a todos os que fixeron posible que esta sexta edición tivera lugar, tanto aos alumnos, como aos poñentes, como aos organizadores e como a todo aquel que aportou o seu gran de area pra que isto saira adiante.