ESF no día do voluntariado no colexio Divino Maestro, Santiago de Compostela

O dia 5 de decembro é o día internacional do voluntariado, e dende fai uns anos o colexio Divino Maestro de Santiago de Compostela realiza unhas xornadas onde invita a distintas organizacións de acción voluntaria.

 Este ano, Sindo Alonso, o orientador do colexio, invitounos o pasado 4 de decembro a falar a 2º e 3º da ESO  sobre a nosa experiencia como persoas voluntarias. Decididos afrontar o reto de falarlles a un público tan diferente ao que estamos acostumados, alí fomos:

- Patricia Iglesias, que lle intentou achegar o concepto de voluntariado de cooperación internacional,  facendo fincapé na necesidade de ser cidadáns globais xa que a pobreza é un problema global onde todos e todas temos responsabilidade. Polo que debemos buscar outra educación, que fuxa do eurocentrismo imperante e que se basee no fomento do espíritu crítico e outros valores como solidariedade, xustiza social, etc 



-Miño Guerreiro, que falou da súa experiencia como voluntario nun grupo de sensibilización que traballa no tema da auga como DDHH.


 - Iván Lago, que lles achegou o concepto de software libre e coñecemento aberto. E dentro das accións que eles poden facer faloulles sobre ciberactivismo.Dende logo esta parte da charla foi a que mais impresionou ao alumnado.

Dende aqui só queda agradecer ao colexio a oportunidade de achegar o voluntariado a xente tan nova.