Como afectou a crise aos nosos programas internacionais?

Dende 2008 os fondos a nivel estatal e galego non fixeron máis que baixar. Unha das medidas máis importantes que se tomaron, foi que a Comisión de Incidencia da Coordinadora Galega de ONGD (da que formamos parte) estivo máis activa que nunca defendendo a cooperación como política pública da Xunta de Galicia e dos concellos, e se logrou que non desapareceran os fondos da Cooperación Galega (iso si, estamos tocando fondo, con 4 millóns de euros anuais, que nin sequera da para asegurar convocatorias de axudas de proxectos internacionais todos os anos). Nos concellos desapareceron casi totalmente as axudas a cooperación a ONG (so en Lugo se mantiveron). Moitos concellos seguen aportando ao Fondo Galego de Cooperación, pero tamén cada vez menos (a ver cos novos gobernos municipais se se nota un cambio no compromiso dende a cooperación municipalista). No seu día, a propia Comisión impulsou un articuliño falando de casos concretos nos que estes recortes afectaron a programas de ONG, que se pode ver aquí.
 
No que son os programas internacionais en si (que estamos a desenvolver so en Honduras dende 2011), a crise afectou sobre todo ao noso programa de auga. Pasamos de traballar en un par de concellos entre 2008 e 2012 (Marcovia e San Francisco de Coray) a traballar nun so en 2012-2013 (Marcovia). Logo queriamos arrancar o traballo cunha mancomunidade de 7 concellos e tivemos que ir moi pouco a pouco, empezando o en 2014 cun proxectiño que non podía durar máis dun ano porque en 2014 non se puideron pedir proxectos bianuais (e xa dende 2010 eliminaron da Xunta un tipo de convocatoria especial de programas internacionais, que podían financiar programas con máis fondos e a 4 anos, dos cais tivemos un entre 2009 e 2012 e gracias a el e a fondos de AECID logramos impulsar o noso traballo en Honduras). Isto fai que haxa cada vez máis que "partir" os programas en fases pequenas, e sempre con medo de que o ano seguinte non haxa fondos asegurados, porque se presentan moitos proxectos de diversas ONG e sempre quedan proxectos aprobados pero non financiados por esgotamento orzamentario, o cal inflúe na calidade dos programas porque non se poden facer tan integrais traballando varias liñas en paralelo, todo ten que ser moi pouco a pouco (e se pode poñer en risco o proceso se non se consiguen impulsar os procesos coa forza suficiente, e para iso sobre todo ao principio fan falta fondos).

No programa de Agro o feito de que se conseguiran fondos de Unión Europea foi salvando a cousa. Os recortes impediron que se acadaran fondos da Axencia Española de Cooperación para o programa de agro, xa que ou ben quedamos fora por pouquiño nalgunha convocatoria (como nos pasou en 2015 ou 2013) ou, nalgún ano como 2014, non sacaron axudas para proxectos en Honduras (como tiñan poucos cartos, non podían sacar fondos para todos os países prioritarios todos os anos).

O feito é que estamos traballando coa hipótese de que xa como en 2015 si houbo proxectos bianuais (os dous que nos concederon rematan en novembro de 2016), posiblemente non haxa fondos para novos proxectos internacionais en 2016, xa veremos o que prioriza a Xunta (e se dos Concellos aumentan a súa sensibilidade con este tema e podemos ter algún recurso máis...).

Todo isto tamén fixo que, se ben xa hai varios anos que hai autorización da Asemblea Xeral de ESF Galicia para identificar accións en países de África subsahariana (en 2010 en Guinea Bissau e, descartado este país, a partir de 2013 Mozambique), non se vira viable abrir un novo país.