3 oct. 2015

Resumo blogueiro: setembro 2015

    Xa podes ver na web http://galicia.isf.es/rodolfo/ o estudo multitemporal de avance das piscinas artificiais de cría de langostino sobre o ecosistema manglar nos tres países do Golfo de Fonseca. Empregouse teledetección, a partir de imaxes gratuitas de satélite, demostrando que é unha tecnoloxía interesante para o monitoreo do estado dos ecosistemas sensibles. Ademais, aquí podes ver unha pequena curtametraxe sobre Electrónica Ética, subtitulado en galego. Tamén chamamos á visibilidade e ao activismo para intervir na situación que estase a vivir en Açailandia, Brasil. Alí, o asasinato dun ambientalista e as ameazas de morte xa provocaron o desprazamento forzoso dunha comunidade enteira a unha cidade próxima, deixando atrás as súas terras e polo tanto a base da súa supervivencia. A situación está creando terror, e todo pola extracción (a miúdo ilegal) de madeira da selva. Hai varias accións urxentes postas en marcha nas que podes participar. Agradecemos de antemán a propagación da noticia desta situación intolerable desde o punto de vista medioambiental e dos dereitos humanos, que nos transmitiu un dos nosos "esfeiros polo mundo".

CONTIDOS

  • Blogue de Vida Asociativa
  • Blogue Honduras
  • Enlaces de interese
  • Publicacións en físico
  • E no próximo mes ...
  • A ESFrase do mes


BLOGUE DE VIDA ASOCIATIVA

    O mes de setembro deixounos no blogue varias entradas para reflexionar: un debate sobre a (non)utilidade do traballo en equipo, un comentario sobre o libro "El mercado y la globalización“ de José Luis Sampedro e o resumo das xornadas sobre os obxectivos para o desenvolvemento sostible – axenda post-2015. Destacamos a publicación esfeira sobre o concepto de Tecnoloxía para o Desenvolvemento Humano reflexioando sobre o discurso e traballo de moitos personaxes históricos. Publicáronse tamén os programas (cos enlaces para ver as sesións das xornadas que xa tiveron lugar) do Obradoiro práctico de construción dun banco en COB e as Xornadas de Bioconstrución, ambos en A Coruña. Hai algunhas citas das xornadas pendentes en outubro, asi que aínda estás a tempo de acudir! E unha entrada imprescindible: unha chamada á visibilidade e ao activismo para intervir na situación que estase a vivir en Açailandia, Brasil.





BLOGUE HONDURAS


    Seguimos coas vivencias dos PCRs en Honduras que nos amosan a súa creatividade audiovisual cunha serie de videos sobre preparación de tamales, os distintos puntos de vista sobre as ZEDEs ou cidades modelo e o terceiro episodio de “La isla de los PCRs: aclimatación”, o simpático "reality" que protagonizan e serve de excusa para que coñezamos a súa experiencia alí. Tamén recollen as inquedanzas da poboación sobre o problema da falta de choiva para as colleitas e as reivindicacións das persoas indignadas en Honduras. Entre outras actividades que están a realizar inclúense charlas de consumo responsable e a difusión do estudo sobre a disminución do manglar e o aumento da camaronicultura no Golfo de Fonseca (por parte das PCRs de agro) e traballo de oficina e de campo dos PCRs de auga, usando o software Fonsagua e aforando manaciais. Por último atoparedes información sobre o convenio AECID de soberanía alimentaria e as actividades que están a facer ESF e o noso socio hondureño CODDEFFAGOLF.




ENLACES DE INTERESE

Auga


Comunicación para o (como) desenvolvemento


Consumo responsable



Cooperación e ONGD


Educación para o desenvolvemento


Iniciativas


Investigación para o desenvolvemento 

Mundo


Políticas e modelos de desenvolvemento


Sensibilización



Soberanía alimentaria e desenvolvemento rural

Tecnoloxías da Información e Comunicacións (TIC)


Tecnoloxía para o desenvolvemento humano


Voluntariado e Persoas




PUBLICACIÓNS EN FÍSICO

(se che interesan, están no local de A Coruña ou fácilmente accesibles, e as persoas da base social de ESF poden solicitalas para préstamo).

   Aquí podes ver moitas das publicacións que temos disponibles para préstamo á base social xa catalogadas, e se che interesan estes temas tamén podes consultar o catálogo da biblioteca da Coordinadora Galega de ONGD, con moitos fondos que ceden para préstamo.

Este mes:
  • Varios números da revista Ecohabitar, prestadas pola asociación de bioconstrucción ESPIGA.



E NO PRÓXIMO MES ...


    Para máis info sobre cursos e eventos en Galicia consulta a Axenda Solidaria e as formacións da Coordinadora Galega de ONGD, ou segue as nosas redes sociais FacebookTwitter.



A ESF-RASE DO MES

Ninguén cometeu un erro máis grande que o que non fixo nada porque non podía facer nada.
Edmund Burke.










No hay comentarios: