4 oct. 2016

Resumo blogueiro: setembro 2016

Banco de COB feito no Obradoiro A Coruña 2015
Aínda quedan prazas para o obradoiro de Bioconstrución coa técnica COB, así como para as Xornadas de bioconstrución , ambas organizadas en Vigo en colaboración coa asociación ESPIGA. Ademais, o 25,26 e 27 de novembro (queda tempo, pero para que vaias reservando datas), será a Xuntanza da base social de ESF Galicia en Compostela, na que nos encantaría contar coa túa presenza (próximamente máis info de programa e lugar). Comentar que durante o mes de setembro estiveron en Honduras visitas tanto do Cartolab da UDC, dentro dunha actividade de fortalecimiento no eido dos Sistemas de Información Xeográfica e xestión dos recursos hídricos a administracións públicas e institucións, como dunha persoa do Centro de Estudos de Xénero e Feministas tamén da UDC, con quen comezamos este ano unha colaboración para mellorar o enfoque de xénero dos programas internacionais e formarnos neste eido tamén en Galicia (por exemplo, o 10 de outubro comeza un curso moi completo de Teoría Feminista na Universidade da Coruña no que as persoas de ESF pódense matricular gratis).
 
Sen máis, aquí queda o Resumo Blogueiro de setembro 2016
 


CONTIDOS

  • Blogue de Vida Asociativa
  • Blogue Honduras
  • Enlaces de interese
  • Publicacións en físico
  • E no próximo mes ...
  • A ESFrase do mes


BLOGUE DE VIDA ASOCIATIVA

    No mes de setembro o blogue comeza anunciando as xornadas de bioconstrucción e o obradoiro de bioconstrucción que se están a celebrar en Vigo (aínda podes apuntarte!!). A continuación, publícase a convocatoria dunha praza de asistencia técnica en Honduras, que xa se cubriu. Despois, podes ler o análise do grupo de incidencia de ESF sobre os programas dos partidos políticos: un resumo e unha entrada explicativa para cada un dos temas que se valoraron – pobreza enerxética e novo modelo enerxético, acceso á tecnoloxía axeitada e igualitaria (fenda dixital, software libre e datos abertos), novos modelos de produción e consumo (consumo responsable e soberanía alimentaria), garantir o dereito humano á auga e educar para a cidadanía global. De seguido publícase un informe de avaliación coa experiencia cos foros de dereito humano á auga en catro concellos de Galicia. Mais adiante podes ler o anuncio do curso de historia da teoría feminista que comezará o luns 10 de outubro e é este ano froito dunha colaboración entre ESF e o Centro de Estudos de Xénero e Feministas da Universidade da Coruña. Por último, para reflexionar, analízanse algúns aspectos do Informe de percecpción social de la ciencia y la tecnología en España, coordinado pola Fundación española para la ciencia y la tecnología.




BLOGUE HONDURAS


    En Honduras no mes de setembro impartiuse un obradoiro sobre Sistemas de Información Xeográfica nunha escola de agricultura, grazas a Marcos, un dos nosos PCR que están na zona. Irene e Miguel, as outras dúas participantes no PCR, nos relatan a súa aterraxe en El Triunfo, onde van pasar a maior parte da súa estancia (e un dos municipios onde estamos a desenvolver máis intensamente o programa de Dereito Humano á Auga). Rematamos o mes coñecendo a experiencia de Marcos como pescador de sardiñas no Golfo de Fonseca, para non perdela!



ENLACES DE INTERESE


Auga


Comunicación para o (como) desenvolvemento


Consumo responsable

Cooperación e ONGD


Educación para o desenvolvemento


Iniciativas



Investigación para o desenvolvemento 




Mundo


Políticas e modelos de desenvolvemento


Sensibilización


Soberanía alimentaria e desenvolvemento rural

Tecnoloxías da Información e Comunicacións (TIC)


Tecnoloxía para o desenvolvemento humano



Voluntariado e Persoas



PUBLICACIÓNS EN FÍSICO

(se che interesan, están no local de A Coruña ou fácilmente accesibles, e as persoas da base social de ESF poden solicitalas para préstamo).

   Aquí podes ver moitas das publicacións que temos disponibles para préstamo á base social xa catalogadas, e se che interesan estes temas tamén podes consultar o catálogo da biblioteca da Coordinadora Galega de ONGD, con moitos fondos que ceden para préstamo.

Este mes:


E NO PRÓXIMO MES ...



    Para máis info sobre cursos e eventos en Galicia consulta a Axenda Solidaria e as formacións da Coordinadora Galega de ONGD, ou segue as nosas redes sociais FacebookTwitter.




A ESF-RASE DO MES

Cando dou comida aos pobres chámanme santo. Cando pregunto por que son pobres, chámanme comunista.
Helder Camara

No hay comentarios: