Presentacións de ESF en Compostela (II): Económicas e Residencia Monte da Condesa

Esta semana tocou as presentacións na Facultade de Empresas e Económicas e na Residencia Universitaria Monte da Condesa. Intentamos que se implicara máis xente, e polo menos con ESF conseguímolo, e como sempre, esta diversidade trouxo riqueza. Pero imos ir por partes:

O martes, 20 de outubro, realizamos a presentación en Económicas. Grazas a colaboración da USC conseguimos que nos colgaran os carteis en sitios estratéxicos aínda que eso non trouxo moito público, desafortunadamente. Desta vez, só puidemos contar con Alicia e Alba de Intered e por ESF, achegáronnos as súas experiencias Cristina do Grupo Agro e Adela de Educación para o Desenvolvemento (EpD).

(Alba e Alicia de Intered, Critina de ESF)

O xoves 22, tocoulle a residencia Monte da Condesa, seguimos sen convocar moita xente pero tuvemos o aliciente de que Rios innovou cunha estelar representación da súa propia adaptación da dinámica de espazos de comodidade, con "atrezzo" e todo. E colleulle o testigo Adela para dar a parte introductoria. As experiencias persoais foron a cargo de Diego, voluntario do Proxecto Rios de Adega (ademais de outras ONG's como Axuda en Acción e Coopera), as nosas infalibles Alba e Alicia de Intered.

Agora, só queda a presentación na ETSE, onde esperamos contar con outras ONG's, facer novas cousas,... pero deso xa daremos conta no blog...

(Arriba, Diego de Adega. Abaixo Rios de ESF)