26 may 2013

Obradoiros de teatro da oprimida, por se non estiveches...

Tiveron lugar en dúas tandas, unha a finais de 2012 e outra en abril de 2013, dinamizados polo Grupo de Teatro dx Oprimidx da Coruña, coa participación de persoas da base social esfeira e tamén xente á que simplemente lle interesaba o tema de teatro da oprimida. Para moitas das persoas participantes era a primeira experiencia en teatro, e foi intensa, como debe ser o teatro do oprimido (ou da oprimida).

Para ESF Galicia, era importante explorar esta ferramenta de denuncia moi  baseada na experimentación en primeira persoa de problemáticas (neste caso concretamente en xénero e auga, nas que ESF quere profundizar) de cara a coñecer moitas das barreiras existentes para a resolución (relacionadas con cultura e relacións de poder). Deste xeito, se podería chegar a empregar de forma habitual nas campañas de ESF Galicia, se se consigue un grupiño de xente con certos coñecementos e motivado para empregalo, mesmo cunha pequena obra sobre temas de auga e xénero.


As primeiras sesións foron de "coñecemento teatral" do grupo...
 
...e algúns exercicios e xogos para irse soltando (este libro é un clásico xa para este tipo de teatro, "Xogos para actores e non actores", de Augusto Boal)


Ao final saíron un par de mini obras que seguiremos pulindo e algunhas poesías, aquí abaixo vedes algunha delas collida ao chou, eran todas chulísimas!!!



Se creou moi bo rollo no grupo, aquí están as participantes na "segunda tanda", en abril. A que son teatreiros??

ALGUNHAS VALORACIÓNS DE PARTICIPANTES

-->
Que foi para ti o mellor do taller?

Sen dúbida o contacto humano. Salvar a fría distancia entre os emisores e receptores, que se pode atopar noutras actividades, ainda sendo de traballo comunitario. Sentinme en todo momento [...] arroupado e mimado polo resto de participantes, sin tensións de ningunha clase, e aberto á creatividade.

Que botaches en falta?

Que non durase toda a semana :D
Botei en falta máis do que se fixo ó final, sobre o traballo na proxección de futuro de establecerse coma ferramenta. Pero quizáis non polo modo de realización do propio curso, senon pola falta de enmarcalo nunha planificación máis grande, a participación de máis integrantes de ESF. De seguro que vai continuar e se pode atopar no futuro esa profundización temática, para rematar constituindo a obra

Ao final, quedounos un regaliño ben chulo na pizarra do local de A Coruña

Esperamos incorporar esta ferramenta as nosas campañas, xa que xenera un auténtico torrente de empatía coas persoas oprimidas do tipo que sea, sendo un dos xeitos máis potentes de sensibilización, para logo (ou mentres) pasar á acción. Cando sentes o que senten se entende mellor para denunciar máis forte (velaquí un exemplo)

No hay comentarios: