El Mercado y la Globalización

Un libro moi recomendable, moi didáctico e sinxelo de ler, El Mercado y la Globalización (editorial Destino) de José Luis Sampedro (cunhas impresionantes ilustracións de Sequeiros), foi a víctima dos meus últimos días de verán.

Chámame a atención o papel que lle asigna á antigua URSS antes do seu desmoronamento como contención da globalización capitalista. Isto pode ser certo, pero non estou nada seguro que o que había fora mellor, máis ben penso que esa dicotomía bloqueaba unha “tercera vía”, unha economía máis enfocada ás persoas (non creo que nin unha economía onde o verdadeiro protagonista é o capital nin unha economía onde o protagonista sexo o Estado sexa a solución para a desigualdade e a falta de acceso a uns servizos básicos mínimos por unha cantidade indecente de persoas).

 

Pareceume interesante o presente que está a “técnica” en todo o texto, como vehículo e multiplicador do sistema dominante no que se estivo a desenvolver (sobre todo no que ten que ver coa informática e o gran desenvolvemento das comunicacións globais, que facilitan sobre todo o movemento do capital). Para pensar en como poñer a tecnoloxía ao servizo do desenvolvemento humano é preciso ir tendo claras estas "terceiras vías" no que as persoas son primeiro (falando entón de tecnoloxías para a emancipación, tecnoloxías para o bo vivir, tecnoloxías contra a desigualdade e polos servizos básicos, etc.).

Por último, aínda que se trata dun texto de 2002, botei en falta na última parte do libro, onde se mencionan corrientes alternativas que aportan na busca desta terceira vía, referencias á loita feminista, que ten un discurso moi traballado.