O
pasado finde foi a Xuntanza, o encontro
de todas as persoas socias e das voluntarias para poñer en común as
cousas que están a ocorrer e que se están a facer na asociación.
Tamén para a toma de decisións, renovación de cargos, formación e
como non... vertebración! Esta vez organizouse en Lugo, ca axuda da
sede de Vigo!
O
venres pola tarde comezamos co Taller de Economía Esfeira. Deste
taller destacarei que Pepe, responsable de impartilo, conseguiu
facelo formativo e moi ameno ao mesmo tempo.
Ao
finalizar, saímos por Lugo xa directos a cear. O local escollido por
Raquel resultou ser un acerto total. Dábase nel o clima perfecto
para vertebrar. Unha comida boísima, uns donos encantadores, unha
estancia acolledora e cunha guitarra que nas mans de Pepe e cas voces
de todas as persoas, creou un ambiente perfecto para coñecernos
e incluso interactuar co resto da xente do
local.
Ao
día seguinte tivemos un almorzo grupal, no que non faltou o bo rollo
do día anterior e a entretida conversa seguida do taller de Xénero.
Con este taller a cargo de Ali,
introducímonos nesta temática tan interesante, de maneira moi
interactiva e participativa, servindo tamén para fomentar o lazo
entre as persoas das diferentes sedes e para deixar a porta aberta a
seguir tratando o tema na Asemblea e no futuro.
Ao
rematar tivemos un momento de descanso para café e petiscos, mentres
falabamos un anaco antes de continuar co taller de incidencia
política, dirixido por Sergio. Despois e xa cun pouco de fame, a
pesares das galletas, comezou a animada comida que precedería a
Asemblea de socios, a actividade principal da Xuntanza.
Na
asemblea informouse do que se está a facer a nivel xeral e nas
distintas sedes e tratáronse diversos temas á par que se realizaban
as correspondentes votacións. Xa cara ó final votouse a renovación
de cargos da Xunta Directiva, deixando a presidencia Marta e pasando
a ocupala Miño. En canto á vicepresidencia, esta pasou a mans de
Emma, abandonando o posto Daniel Vila (sede Vigo). Os seguintes
cargos en renovarse foron a vogalía de comunicación, na que Miguel
deu paso a Saúl e o cargo de secretaría na que Daniel Vila (sede
Coruña) deulle o relevo a Yaiza. Os demais cargos mantéñense, xa
no ecuador, con só un ano por diante para ter a súa despedida.
Miguel
e Marta Sara, a petición dos presentes, leron os seus emotivos
discursos de despedida da coñecida como “Xunta Divertida”, da
que formaron parte os últimos dous anos. E qué dicir dese momento!
Notábase que as palabras foran escollidas con tento para describir
todas as emocións e vivenzas únicas durante o seu paso pola Xunta
Directiva.
(Moi recomendables!
Enlaces adxuntos ao final).
A
emoción non rematou ao finalizar os discursos. A Xunta directiva
gardaba outra sorpresa en forma de sons, imaxes, frases e unha
libreta pra recoller as lembranzas. E no medio de todo este cóctel
de felicidade, fotos e abrazos marchamos a cear, que xa nos daba a
hora. Coloquio e vertebración na cea seguido de baile e máis música
na noite lucense.
Á
mañá seguinte, demos un paseo por Lugo guiados por Raquel, que nin
a choiva, que insistía en facer visitas puntuais, puido estragar.
Despois de pasear polas murallas, e ser adiantados no camiño máis
veces das que puidemos contar por unha enérxica señora luguesa,
procedemos a xantar e finalmente á despedida. Con gañas de seguir
traballando, cunha Xunta Directiva actualizada e coas pilas cargadas.
Ata a próxima!
1 comentario:
Xenial resumo!!!
Publicar un comentario